-rat१९p१८.jpg-
२५N६४८३६
रत्नागिरी : अॅड. विलास पाटणे लिखित न्यायमूर्ती खन्ना यांच्यावरील पुस्तक पोलिस अधीक्षक धनंजय कुलकर्णी व पोलिस अधिकाऱ्यांना वितरित करण्यात आले.
----
न्यायमूर्ती खन्ना यांचे चरित्र सर्वांनी वाचावे
पोलिस अधीक्षक ; अधिकाऱ्यांना पुस्तकाचे वितरण
सकाळ वृत्तसेवा
रत्नागिरी, ता. १९ : येथील लेखक, साहित्यिक ॲड. विलास पाटणे यांनी लिहिलेले आणि सर्वोच्च न्यायालयाचे न्यायमूर्ती प्रसन्न वराळे यांच्या हस्ते प्रकाशित झालेले न्यायमूर्ती एच. आर. खन्ना यांचे चरित्र सर्व पोलिस अधिकाऱ्यांनी वाचले पाहिजे, असे प्रतिपादन पोलिस अधीक्षक धनंजय कुलकर्णी यांनी केले.
पोलिस अधीक्षक कार्यालयात न्यायमूर्ती खन्ना यांचे चरित्र जिल्ह्यातील पोलिस अधिकाऱ्यांना वितरित करण्यात आले. त्या वेळी कुलकर्णी बोलत होते. आणीबाणीत न्यायमूर्ती खन्ना यांनी नागरिकांच्या स्वातंत्र्यकरिता आणि भारतीय राज्यघटनेच्या संरक्षणासाठी एडीएम जबलपूर हा निकाल दिला. ॲड. पाटणे यांनी खन्ना यांचे लिहिलेले सुंदर चरित्र वाचण्याची गरज आहे, असे कुलकर्णी म्हणाले.
या प्रसंगी अॅड. पाटणे म्हणाले की, न्यायमूर्ती अभय ओक यांनी सुचवल्यामुळे खन्ना यांचे चरित्र लिहिण्याचा आपण प्रयत्न केला आहे. खन्ना यांनी राज्यघटनेच्या पावित्र्याकरिता मुख्य न्यायाधीशपदाचा सर्वोच्च त्याग केला. धैर्य नसेल तर इतर सद्गुणांचा काही उपयोग होत नाही. २०१७ मध्ये न्यायमूर्ती धनंजय चंद्रचूड यांनी आपल्या वडिलांचा निकाल रद्द केला. ही आपल्या घटनेची ताकद आहे. हे चरित्र न्यायव्यवस्थेतील सर्व घटकांना कायमच प्रेरणा देईल.