swt206.jpg
65028
वालावल हुमरमळाः जिल्हा बॅंक अध्यक्ष मनिष दळवी यांचा गावातील महीला बचत गटांच्यावतीने अॅड. रीना  पडते व अर्चना बंगे, अतुल बंगे यांच्या हस्ते सन्मानित करण्यात आले. (छायाचित्रः अजय सावंत)

हुमरमळ्यातील महिला बचत गटांतर्फे
जिल्हा बँक अध्यक्ष दळवींचा सत्कार
सकाळ वृत्तसेवा
कुडाळ, ता. २०ः हुमरमळा वालावल माजी सरपंच अर्चना बंगे यांच्या पुढाकाराने जिल्हा बॅंक अध्यक्ष मनीष दळवी यांना गावातील महीला बचत गटांच्यावतीने अॅड. रीना पडते व सौ. बंगे, अतुल बंगे यांच्या हस्ते सन्मानित करण्यात आले. यावेळी श्री. दळवी यांनी जिल्हा बॅंक ही महीला बचत गटांच्या उन्नतीसाठी कायम काम करीत आली आहे.
हुमरमळा वालावल गावातील सौ. बंगे यांच्या मार्गदर्शनाखाली बचत गटांची चळवळ मोठी उभी राहून प्रत्येक महिला काहींना काही छोट्या मोठ्या व्यवसायात गुंतलेली दिसत आहे. अशाच स्वरुपात जिल्ह्यातील महीला बचत गटांचे काम सुरू असून सिंधुदुर्ग जिल्हा बॅंक कायमच पाठीशी आहे, असे सांगितले. जिल्हा बॅंकेची प्रगतीकडे वाटचाल ही सर्व संचालक, उपाध्यक्ष, कर्मचारी व ग्राहक यांच्या सर्वांच्या सहकार्यातून सुरु असून बॅंकेला मिळालेले पुरस्कार यात मी मात्र निमित्त असून यात जिल्हावासियांचे सहकार्य आहे, असेही श्री. दळवी यांनी सांगून खासदार नारायण राणे व पालकमंत्री नितेश राणे यांच्या मार्गदर्शनाखाली यशस्वी घौडदौड सुरू असल्याचे सांगितले. यावेळी अतुल बंगे, अॅड. रीना राजेश पडते, सौ. बंगे उपस्थित होते.