-rat24p8.jpg
66013
रत्नागिरी ः नवे पोलिस अधीक्षक नितीन बगाटे यांचे स्वागत करताना अपर पोलिस अधीक्षक जयश्री गायकवाड.

नितीन बगाटे यांनी स्वीकारला
पोलिस अधीक्षकांचा पदभार
सकाळ वृत्तसेवा
रत्नागिरी, ता. २४ : नवे पोलिस अधीक्षक नितीन बगाटे यांनी आज पदभार स्वीकारला. अपर पोलिस अधीक्षक जयश्री गायकवाड यांनी त्यांचे पुष्पगुच्छ देऊन स्वागत केले. यावेळी श्री. बगाटे यांनी पोलिस खात्याचा आढावा घेतला.
गृहविभागाने नव्या नियुक्तीची अधिकृत घोषणा नुकतीच केली. मावळते पोलिस अधीक्षक धनंजय कुलकर्णी यांची मुंबईला बदली झाली. त्यांच्या जागी आयपीएस अधिकारी नितीन बगाटे यांची नियुक्ती झाली. आज त्यांनी आपला पदभार घेतला. अनेक अधिकाऱ्यांनी त्यांची भेट घेऊन शुभेच्छा दिल्या. बगाटे यांनी जिल्ह्याचा आढावा घेतला. बगाटे हे मूळचे हिंगोली जिल्ह्यातील निशाणा गावचे रहिवासी आहेत. अत्यंत सामान्य पार्श्वभूमीतून बगाटे आले. जिद्द, मेहनत आणि चिकाटी यांच्या जोरावर त्यांनी यूपीएससीची परीक्षा उत्तीर्ण करत आयपीएस बनण्याचा मान मिळवला. त्यांनी परभणी जिल्ह्यात आपली सेवा सुरू केली. त्यानंतर त्यांनी चंद्रपूर, सिंधुदुर्ग आणि छत्रपती संभाजीनगर येथे विविध पदांवर काम केले.