66567
दादांच्या कवितेत ‘मालवणी’चा गोडवा
मंत्री आशिष शेलार ः ‘सुर्गेचो वळेसार’ काव्यसंग्रहाचे प्रकाशन
सकाळ वृत्तसेवा
सावंतवाडी, ता. २७ ः ‘सुर्गेचो वळेसार’ या पुस्तकात केवळ शब्द नाहीत तर कोकणातील मातीचा सुगंध, मालवणी भाषेचा गोडवा आणि पारंपरिक संस्कृतीचा अनमोल ठेवा आहे. हा काव्यसंग्रह मालवणी बोलीच्या जतनासाठी निश्चितच उपयुक्त ठरेल, असे गौरवोद्गार मंत्री अॅड. आशिष शेलार यांनी काढले.
मालवणी कवी दादा मडकईकर यांचा ‘सुर्गेचो वळेसार’ मालवणी काव्यसंग्रह व ‘४५० म्हणींचा संग्रह’ पुस्तकाचे प्रकाशन अॅड. शेलार यांच्या हस्ते झाले. हा प्रकाशन सोहळा पु. ल देशपांडे साहित्य अकादमी, लोककला दालन, सयानी रोड, प्रभादेवी, मुंबई येथे झाला. माहिती तंत्रज्ञान व सांस्कृतिक कार्य मंत्री तथा पालकमंत्री-मुंबई उपनगर अॅड. आशिष शेलार यांच्या हस्ते ‘सुर्गेचो वळेसार’ मालवणी काव्यसंग्रह व ४५० म्हणींचा संग्रहाचे प्रकाशन करण्यात आले.
दादा मडकईकर यांनी ‘चांन्याची फुला’, ‘आबोलेचो वळेसार’, ‘कोकण हिरवेगार’ असे मालवणी काव्यसंग्रह लिहिले असून, आणखी एका काव्यसंग्रहाची भर त्यात पडली आहे. मडकईकरांनी आपल्या खास शैलीने रसिकांच्या हृदयात वेगळे स्थान निर्माण केले आहे. कोकणातील लोकसंस्कृती, सणवार, परंपरा, लोककला आणि इथला निसर्ग त्यांनी आपल्या काव्यातून उलगडला आहे. त्यांचा ‘सुर्गेचो वळेसार’ हा काव्यसंग्रह मालवणी बोलीच्या जतनासाठी तसेच भाषा, बोलीच्या अभ्यास, संशोधनसाठी उपयुक्त ठरेल, असे उद्गार मंत्री शेलार यांनी याप्रसंगी काढले. कोकण हा हृदयाच्या अगदी जवळचा विषय आणि त्याच्या समृद्ध परंपरेचं संचित अशा पुस्तकाद्वारे नव्या पिढीपर्यंत पोहोचत आहे, ही खरोखरच अभिमानास्पद आणि भावनिक गोष्ट असल्याचे त्यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.