66566

‘गीत झंकार’ कार्यक्रमास कोंडयेत प्रतिसाद

‘बौद्ध ऐक्यवर्धक’चा उपक्रम; मृणालच्या नृत्याविष्काराने रसिक मंत्रमुग्ध

सकाळ वृत्तसेवा
कुडाळ, ता. २७ ः सिनेनाट्य कलाकार सुदिन तांबे यांचा सुरेल आवाज आणि कथक विशारद नृत्यांगना मृणाल सावंत हिच्या नृत्य अदाकारीने ‘गीत झंकार’ कार्यक्रम रसिकांच्या डोळ्यांचे पारणे फेडणारा ठरला.
बौद्ध ऐक्यवर्धक मंडळ (मुंबई) कोंडये (ता. कणकवली) यांच्या विद्यमाने तथागत भगवान गौतम बुद्ध, छत्रपती शिवाजी महाराज आणि भारतरत्न डॉ. बाबासाहेब आंबेडकर यांचा संयुक्त जयंती महोत्सव डॉ. बाबासाहेब आंबेडकर सांस्कृतिक केंद्र कोंड्ये- बौद्धवाडी येथे झाला. या सोहळ्याचे उद्‍घाटन मान्यवरांच्या उपस्थितीत झाले. यावेळी बौद्ध ऐक्यवर्धक मंडळ कोंडये अध्यक्ष अशोक तांबे, कणकवली तालुका बौद्ध विकास संघ, मुंबई अध्यक्ष अनिल तांबे, कोंडये सरपंच ऋतुराज तेंडुलकर, राजेश तांबे, किशोर तांबे, आनंद तांबे, मनोहर तांबे, सत्यवान तांबे, धर्मपाल तांबे, सुनील तांबे, दीपक तांबे, विद्याधर तांबे, विनया तांबे, उत्तम तांबे, संजय तांबे, लवेश तांबे, सिध्दार्थ तांबे, शशिकांत तांबे, सचिन तांबे, राहुल तांबे, दिनेश म. तांबे, तुषार तांबे, दिनेश स. तांबे, निखिल तांबे, उमेश तांबे व प्रगती महिला मंडळ कोंडयेच्या पदाधिकारी, कार्यकारिणी मंडळ आदी उपस्थित होते.
उद्‍घाटन सोहळ्यानंतर समाजवेध संकल्प प्रतिष्ठान पुरस्कृत, बुध्द-भीम गीते, हिंदी-मराठी सिनेगीते, मिमिक्री नृत्यांचा बहारदार अविष्कार विद्याराज निर्मित ऑर्केस्ट्रा ‘गीत झंकार’ कार्यक्रम झाला. कलाकार सुदिन तांबे व कथक विशारद नृत्यांगन मृणाल सावंत यांना निमंत्रित केले होते. या सोहळ्याची सुरुवात कलाकार सुदिन तांबे यांनी डॉ. बाबासाहेब आंबेडकर यांच्यावर आधारित विविध भीमगीते सादर करून केली. ‘नांदन नांदन’ गीतावर मृणालने नृत्याविष्कार केला. गायक सुदिन तांबे, साक्षी मांजरेकर आणि राकेश मिठबावकर यांनी विविध गीते सादर केली. संगीत साथ गौरव पिंगुळकर, महेश तळगावकर, शेखर सरपे, अश्विन जाधव यांनी दिली. नृत्यांगना अनुष्का सावंत हिने सुद्धा नृत्य सादर केले. कोंडये गावच्या महिलांनी पारंपरिक फुगडी लोककला सादर करत सर्वांना मंत्रमुग्ध केले. जिल्हा परिषद प्राथमिक शाळा गांगोवाडी शाळेच्या मुलांनी देशभक्तिपर गीतावर समूहनृत्य सादर केले. या कार्यक्रमाचे निवेदन ‘आयडॉल ऑफ महाराष्ट्र’ फेम राजेश कदम यांनी केले.