‘आमची ग्रामपंचायतच बरी होती’
वैभववाडी शहरात पुर्वी कधीही पाणी साचण्याचे प्रकार झालेले नाहीत. ग्रामपंचायतीला कमी निधी होता. परंतु, कधीही चिखल नव्हता. मात्र, नगरपंचायतीने कोट्यावधी रूपये खर्च करून गटार बांधकामे केली. बाजुपट्टी बांधल्या, रस्ते बांधले. मात्र, पाण्याच्या निचरा होण्याकडे लक्ष दिले नाही. तांत्रिक बाबीकडे दुर्लक्ष केल्यामुळे वैभववाडी शहराची तुंबई झाल्याचे पाहायला मिळाले. त्यामुळे संतप्त नागरिकांकडून ‘कुठे नेऊन ठेवली वैभववाडी माझी’ अशी प्रतिक्रिया व्यक्त होतानाच ‘नगरपंचायतीपेक्षा आमची ग्रामपंचायतच बरी होती’, अशा प्रतिक्रिया देखील व्यक्त केल्या जात आहेत.