swt2727.jpg
66676
कारिवडेः ज्येष्ठ पत्रकार वसंत केसरकर यांना सावंतवाडी तालुका पत्रकार संघातर्फे ८० व्या वाढदिवसानिमित्त शुभेच्छा देण्यात आल्या.

ज्येष्ठ पत्रकार वसंत केसरकरांचा
सावंतवाडीत वाढदिवस उत्साहात
सकाळ वृत्तसेवा
सावंतवाडी, ता. २७ः ज्येष्ठ पत्रकार, सामाजिक कार्यकर्ते आणि स्वातंत्र्यसेनानी वसंत उर्फ अण्णा केसरकर यांचा ८० वा वाढदिवस सोहळा सावंतवाडी तालुका पत्रकार संघाच्या वतीने उत्साहात साजरा करण्यात आला. त्यांच्या ८० व्या वाढदिवसाचे औचित्य साधून वृक्षारोपण आणि ८० सुपारी रोपांचे वाटप यावेळी करण्यात आले. यानिमित्त सिंधुदुर्ग जिल्हा पत्रकार संघ, मराठी पत्रकार परिषद आणि सावंतवाडी तालुका पत्रकार संघाच्या वतीने अण्णा केसरकर यांचा सन्मान करण्यात आला. केसरकर यांच्या कारिवडे येथील निवासस्थानी हा अभीष्टचिंतन सोहळा पार पडला.
मराठी पत्रकार परिषदेचे माजी अध्यक्ष ज्येष्ठ पत्रकार गजानन नाईक, मोहन जाधव, अभिमन्यू लोंढे, पत्रकार संघाचे अध्यक्ष सचिन रेडकर, विजय देसाई, राजेश मोंडकर, प्रा. रुपेश पाटील, मंगल कामत आदींनी मनोगत व्यक्त केले. पालकमंत्री नीतेश राणे यांनी दूरध्वनीद्वारे शुभेच्छा दिल्या. प्रास्ताविक राजू तावडे यांनी, सूत्रसंचालन विनायक गांवस यांनी केले. हर्षवर्धन धारणकर यांनी आभार मानले. यावेळी उमेश तोरसकर, बाळासाहेब खडपकर, संतोष राऊळ, हरिश्चंद्र पवार, विजय देसाई, राजेश मोंडकर, राजू तावडे, रामचंद्र कुडाळकर, दीपक गावकर, नागेश पाटील, नरेंद्र देशपांडे, मंगल कामत, उमेश सावंत, लुमा जाधव, रुपेश हिराप, अजित दळवी, संतोष परब, शैलैश मयेकर, आनंद धोंड, सिद्धेश सावंत, अनुजा कुडतरकर, जतीन भिसे, अनिल कुडाळकर, प्रशांत सावंत, साबाजी परब, सचिन केसरकर व त्यांचे कुटुंबिय उपस्थित होते.