66788
शरद शिंदे, विवेक वजराटकर
‘आदर्श ग्रामपंचायत अधिकारी’
सकाळ वृत्तसेवा
वेंगुर्ले, ता. २८ ः तालुक्यातील परुळेबाजार व मेढा ग्रामपंचायत अधिकारी शरद शिंदे तसेच केळुस ग्रामपंचायत अधिकारी विवेक वजराटकर यांचा राज्यपाल सी. पी. राधाकृष्णन व ग्रामविकास मंत्री जयकुमार गोरे यांच्या हस्ते गौरव करण्यात आला. यशवंतराव चव्हाण पंचायत राज अभियान राज्यस्तरावर उल्लेखनीय कामगिरीबद्दल व राज्यस्तर, आदर्श ग्रामपंचायत अधिकारी म्हणून त्यांना गौरविले.
शिंदे व वजराटकर यांना प्रमाणपत्र व सन्मानचिन्ह देऊन सन्मानित करण्यात आले. यावेळी ग्रामविकास व पंचायत राज राज्यमंत्री योगेश कदम व प्रधानसचिव एकनाथ डवले उपस्थित होते. सिंधुदुर्ग जिल्ह्यातील वेंगुर्ले तालुक्यातील परुळे बाजार व मेढा ग्रामपंचायत अधिकारी शिंदे यांना २०२२-२०२३ चा तर केळुस ग्रामपंचायत अधिकारी वजराटकर यांना २०२३-२०२४ चा राज्यस्तरीय आदर्श ग्रामपंचायत अधिकारी पुरस्कार जाहीर झाला होता. या पुरस्काराचे वितरण राज्यपाल राधाकृष्णन यांच्या हस्ते करण्यात आले. या दोन्ही अधिकाऱ्यांचे जिल्ह्यासह तालुकास्तरावरून अभिनंदन होत आहे. वेंगुर्ले पंचायत समितीचे गटविकास अधिकारी दिनेश पाटकर यांनी दोन्ही अधिकाऱ्यांचे कौतुक केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.