वांझोळे विद्यालयात
गुणवंतांचा सत्कार
संगमेश्वर ः तालुक्यातील वांझोळे येथील शिवाजी माध्यमिक विद्यालयात दहावी गुणवंत व उत्तीर्ण विद्यार्थ्यांचा सत्कार करण्यात आला. या वेळी केदारलिंग ग्रामस्थ मंडळाचे सचिव शांताराम शेडगे, उपाध्यक्ष पांडुरंग पाटील, सदस्य मनोहर शेडगे, बाळू दादा शेडगे, बाबाजी जाधव, माजी मुख्याध्यापक दीपक लिंगायत, विजय सावंत, मुख्याध्यापक कोरे आदी उपस्थित होते. संस्था पदाधिकाऱ्यांच्या हस्ते विद्यार्थ्यांचा सत्कार करण्यात आला.
--
प्राथमिक आरोग्यकेंद्रास
व्हीलचेअर भेट
खेड : तालुक्यातील शिव प्राथमिक आरोग्यकेंद्रात वयोवृद्ध, आजारी व दिव्यांग रुग्णांना सुलभतेने आरोग्यकेंद्रात जाता यावे, यासाठी लोटे रोटरी क्लबच्यावतीने दोन व्हीलचेअर वैद्यकीय अधिकाऱ्यांकडे सुपूर्द करण्यात आल्या. लोटे रोटरी क्लबचे सदस्य विश्वास नाईक, खजिनदार मकरंद सोलकर यांनी यासाठी पुढाकार घेतला. या वेळी वैद्यकीय अधिकारी नदाफ, रोटरी क्लबचे सचिव तुषार दिवेकर, राजू ठसाळे आदी उपस्थित होते.
--
निळवणे शाळेत
साहित्य वाटप
खेड ः तालुक्यातील निळवणे शाळेत ''एक दिशा सुंदर ध्येयाची'' या संस्थेच्यावतीने विद्यार्थ्यांना मोफत शैक्षणिक साहित्याचे वाटप करण्यात आले. सुरवातीला शाळेतील विद्यार्थ्यांचे अनेक प्रकारचे मनोरंजनात्मक खेळ घेतले. खेळातून प्रथम तीन विजेत्यांचे क्रमांक काढले. त्यांना बक्षीस देण्यात आले. गावातील बालवाडी ते दहावीपर्यंतच्या सर्व विद्यार्थ्यांना वर्षभर लागणारे सर्व शैक्षणिक साहित्य देण्यात आले. तसेच निळवणे कातळशाळेला साउंड सिस्टिम दिली.‌ लक्ष्मण चोरगे यांनी संस्थेप्रती कृतज्ञता व्यक्त केली. या वेळी संस्थेचे अनंत घाणगुटकर, सर्जेराव आतकिरे, मुख्याध्यापक मोहन सोनावणे, शिक्षक अनंत मोरे, परेश खोपडे उपस्थित होते.