67313

शिरोडा मच्छीमार सोसायटीच्या
निवडणुकीत ‘हितवर्धक’ विजयी

सकाळ वृत्तसेवा
सावंतवाडी, ता. ३१ ः केरवाडा येथील शिरोडा मच्छीमार सहकारी सोसायटीची बारा जागांसाठी पंचवार्षिक निवडणूक शुक्रवारी (ता. ३०) पार पडली. या निवडणुकीत मच्छीमार हितवर्धक सहकारी पॅनलने सर्व जागा जिंकून एकहाती विजय मिळविला. यावेळी सर्व विजयी उमेदवारांचे शिवसेना जिल्हाप्रमुख संजू परब यांनी अभिनंदन केले.
केरवाडा येथील शिरोडा मच्छीमार सहकारी सोसायटीच्या पंचवार्षिक निवडणुकीत एकूण १२ जागांसाठी उमेदवार रिंगणात होते. यात मच्छीमार हितवर्धक सहकारी पॅनेलने १२ जागा जिंकून आपले वर्चस्व प्रस्थापित केले. यात ३ जागा बिनविरोध निवडून आल्या, तर ९ जागांसाठी मतदान पार पडले. यावेळी जिल्हा समन्वयक सचिन वालावलकर, वेंगुर्ले तालुकाप्रमुख नितीन मांजरेकर, संजय धुरी, कृष्णा चोपडेकर आदी उपस्थित होते. मच्छीमार हितवर्धक सहकारी पॅनलचे काशिनाथ नार्वेकर, दिलीप नाईक, संजय उगवेकर, पुंडलिक कुबल, नारायण लोणे, दिगंबर तांडेल, आत्माराम साळगावकर, मयुरेश तारी, प्रकाश नार्वेकर, सारिका नाईक, शिल्पा चोपडेकर, अन्विता नार्वेकर आदी उमेदवार विजयी झाले.