-rat३१p२.jpg -
२५N६७२७३
तेजल कारकर

तेजल कारकर यांना पी.एचडी
साडवली, ता. ३१ ः आंबवली येथील तेजल कारकर हिने जैवसांख्यिकी आणि लोकसंख्याशास्त्र मध्ये डॉक्टरेट (PhD) मिळवत अभिमानास्पद कामगिरी केली आहे. अशी पदवी मिळविणारी पंचक्रोशीतली पहिली महिला ठरली आहे.
आधुनिक जगातसुद्धा जिथे चूल आणि मूल एवढीच जबाबदारीची जाणीव करून देणाऱ्या आपल्या समाजात स्त्री म्हणजे केवळ घरची जबाबदारी सांभाळून संसार चालवणे एवढीच अपेक्षा ठेवतात; मात्र रूढी-परंपरांना छेद देत अतिशय प्रामाणिकपणे आणि मेहनतीने ही पदवी संपादन करण्यासाठी तेजल हिने मेहनत घेतली आहे. तिच्या या कामगिरीमुळे आंबवली गावाचे आणि ताम्हाणे पंचक्रोशीचे नाव रोशन झाले आहे, अशी प्रतिक्रिया ताम्हाणे पंचक्रोशीतील ग्रामस्थांनी व्यक्त केली. या यशात त्यांचे पती किरण कारकर आणि संपूर्ण कुटुंबाचे मोलाचे योगदान लाभले आहे.