कनकनगरमध्ये
विजेची समस्या
कणकवली ः गेल्या काही दिवसांपासून शहरातील कणकनगरमध्ये विजेचा खेळखंडोबा सुरू आहे. दिवसभरात वारंवार वीज पुरवठा खंडित होतो. त्यामुळे घरगुती उपकरणे धोक्यात आली आहेत. स्थानिकांनी दिलेल्या माहितीनुसार, वादळ वारा किंवा पाऊस नसतानाही सातत्याने वीज पुरवठा खंडित होतो. या परिसरामध्ये पसरलेल्या विद्यातुभारीत वाहिन्या एकमेकांना घर्षण करत असल्याने विजपुरवठा खंडित होतो. याबाबत महावितरणकडे अनेकदा तक्रार करूनही सुधारणा झालेली नाही. एप्रिल, मे महिन्यामध्ये हा प्रकार सुरू होता. आता तर जून महिन्यापासून पावसाला सुरुवात होणार आहे. त्यामुळे नागरिकांच्या अडचणीत वाढ होण्याची शक्यता आहे. महावितरण कंपनीने याबाबत तात्काळ तोडगा काढावा.