गोगटे- जोगळेकर महाविद्यालयातील
मधुकर गिरनारे, अशोक पवार सेवानिवृत्त
सकाळ वृत्तसेवा
रत्नागिरी, ता. १ : गोगटे जोगळेकर महाविद्यालयाच्या (स्वायत्त) ग्रंथालयात कार्यरत मधुकर केशव गिरनारे आणि जीवशास्त्र विभागातील कर्मचारी अशोक केशव पवार नियत वयोमानानुसार सेवानिवृत्त झाले. त्यांचा सत्कार (कै.) डॉ. ज. शं. केळकर सेमिनार हॉलमध्ये करण्यात आला. या वेळी प्राचार्य डॉ. मकरंद साखळकर, डॉ. विवेक भिडे उपस्थित होते.
सहायक ग्रंथपाल उत्पल वाकडे यांनी श्री. गिरनारे आणि श्री. पवार यांच्या ग्रंथालय विभागातील सेवकार्याची माहिती दिली. वनस्पतीशास्त्र विभागाच्या प्रमुख डॉ. सोनाली कदम यांनी श्री. पवार यांच्या विभागातील कार्याचा आढावा घेतला. प्राचार्य डॉ. साखळकर यांनी श्री. गिरनारे आणि श्री. पवार यांच्या ३५ वर्षे सेवेचा उल्लेख करून महाविद्यालयासाठी दीर्घकाळ त्यांनी आपली सेवा दिल्याबद्दल कौतुक केले. तसेच दोघांच्या काही आठवणी सांगितल्या.
सूत्रसंचालन डॉ. मेघना म्हादये यांनी केले. यावेळी समारंभ समितीचे प्रमुख डॉ. तुळशीदास रोकडे उपस्थित होते.