-rat४p१२.jpg-
२५N६८०६८
मंडणगड : स्रोत बळकटीकरण आणि शाश्वतीकरण प्रशिक्षणात मार्गदर्शन करताना गटविकास अधिकारी विशाल जाधव व अन्य.
-----
सुरक्षित भविष्यासाठी स्रोतांचे बळकटीकरण महत्त्वाचे
बीडीओ विशाल जाधव ः मंडणगडात जलजीवनचे प्रशिक्षण
सकाळ वृत्तसेवा
मंडणगड, ता. ५ ः येणाऱ्या पिढ्यांच्या आणि पृथ्वीच्या सुरक्षित भविष्यासाठी पर्यावरणीय समतोल आणि भूजल स्रोतांचे बळकटीकरण अत्यंत महत्त्वाचे आहे, असे मत गटविकास अधिकारी विशाल जाधव यांनी व्यक्त केले. जलजीवन मिशन योजनेंतर्गत स्रोत बळकटीकरण आणि शाश्वतीकरण या दोनदिवसीय प्रशिक्षणाच्या उद्‍घाटनाप्रसंगी ते बोलत होते.
हे प्रशिक्षण जिल्हा परिषद पाणीपुरवठा विभाग आणि जेपीएस फाउंडेशनतर्फे मंडणगड येथील श्रीकृष्ण सभागृहात या प्रशिक्षणाचे उद्‍घाटन झाले. याचवेळी पाण्याच्या तपासणीसाठी राज्यशासनातर्फे ग्रामपंचायतींना देण्यात येणाऱ्या क्षेत्रीय तपासणी संचांच्या (फील्ड टेस्टिंग कीट) वितरणाचा प्रातिनिधिक स्वरूपात प्रारंभ करण्यात आला तसेच जलजीवन मिशन योजना हस्तांतरित झाल्याचे घोषित करणाऱ्या ग्रामपंचायतींच्या पदाधिकाऱ्यांचा गौरव करण्यात आला. पाण्याच्या स्रोतांच्या शाश्वतीकरणाचे महत्त्व व्यक्त करतानाच पाण्याची नियमित तपासणी आणि गुणवत्ता नियंत्रण हे साथरोग प्रतिबंधासाठी महत्त्वाचे असल्याचे जाधव यांनी सांगितले. या वेळी ग्रामीण पाणीपुरवठा उपविभागाच्या उपअभियंता कविता जवादे, विस्तार अधिकारी राजेंद्र मोहिते, शाखा अभियंता कदम, पवन‌ गोसावी, मुख्य संसाधन केंद्रांचे प्रतिनिधी अनिरूद्ध फळणीकर, अर्चना पाटील, शुभांगी देसाई, ग्रामस्थ आदी उपस्थित होते.
---
साथरोगाचा प्रतिबंध करा...
पाण्याची नियमित तपासणी आणि गुणवत्ता नियंत्रण या गोष्टी साथरोग प्रतिबंधासाठी महत्वाच्या असल्याचे जाधव यांनी या प्रशिक्षण कार्यक्रमात सांगितले.