swt59.jpg
68273
सावंतवाडीः मोती तलावात खडकावर चढून बसलेली मगर.

मोती तलावात मगरीचे दर्शन
सकाळ वृत्तसेवा
सावंतवाडी, ता. ५ः शहरातील मोती तलावामध्ये पुन्हा एकदा मगरीने दर्शन दिले. केशवसुत कट्ट्यानजीक असलेल्या खडकावर ही मगर आज नागरिकांना दिसली. त्याबाबत नागरिकांमधून भीती व्यक्त केली जात आहे. मोती तलावामध्ये मगरीचा अधिवास यापूर्वीही बऱ्याचदा आढळून आला आहे. पावसाळ्यात तलावामध्ये बाहेरून येणाऱ्या पाण्याबरोबर ही मगर आल्याचा संशय व्यक्त करण्यात येत आहे.
दरवर्षी तलावामध्ये अशाच पद्धतीने मगरीचे दर्शन होत असते. कालांतराने ती गायब होते. सद्यस्थितीत दिसून आलेली मगर बऱ्यापैकी वाढ झालेली आहे. केशवसुत कट्टा परिसरामध्ये त्याचे वारंवार दर्शन होत असल्याचे नागरिकांचे म्हणणे आहे. आज सकाळी ही मगर तेथील खडकावर काही नागरिकांना दिसून आली. पालिका प्रशासनाने वन विभागाच्या मदतीने या मगरीचा बंदोबस्त लावावा, अशी मागणी नागरिकांनी केली.