रेल्वेतून दोन लाखांच्या दागिन्यांची चोरी
सकाळ वृत्तसेवा
खेड ः तालुक्यातील दिवाणखवटी रेल्वेस्थानकाच्या अलीकडे थांबलेल्या मुंबई-सीएसएमटी एक्स्प्रेसमधून चोरट्याने एका महिलेच्या दोन सोन्याच्या मंगळसुत्रासह रोकड असा २ लाख १९ ह‌जार १५० रुपयांच्या ऐवजाची चोरी करून पोबारा केला. ही घटना ३१ मे रोजी रात्री २.५५ वाजता घडली. महाड तालुका पोलिस ठाणे येथून ऑनलाइन गुन्हा ४ जूनला नुकताच प्राप्त झाल्याने या चोरीची नोंद खेड पोलिस ठाण्यात करण्यात आली आहे.
खेड पोलिसांकडून मिळालेल्या माहितीनुसार, मुंबई-सीएसएमटी या एक्सप्रेसमधून फिर्यादी महिला कोच (नं. एल-४), सीट नं. ६१ वरून झोपून प्रवास होती. गाडी दिवाणखवटी रेल्वेस्थानकाच्या अलीकडे रात्री २.४० वाजता थांबली. फिर्यादी महिला यांच्या गळ्यातील १ लाख २९ हजार रुपये किमतीचे ३० ग्रॅम वजनाचे मंगळसूत्र व दुसरे ९० हजार रुपये किमतीचे १२.५ ग्रॅम वजनाचे मंगळसूत्र अशा दोन्ही मंगळसुत्रांसह रोकड असा एकूण २ लाख १९ हजार १५० रुपयांचा ऐवज अज्ञात चोरट्याने अंधाराचा फायदा घेऊन खिडकीतून चोरून नेला. अधिक तपास खेड पोलिस करत आहेत.