-rat७p११.jpg -
२५N६८८४६
राजापूर : वरची पेठे येथील रस्त्याची झालेली दूरवस्था.
----
राजापूर वरचीपेठ रस्त्याची दुरवस्था
सकाळ वृत्तसेवा
राजापूर, ता. ७ : शहरातील वरचीपेठ येथील श्री महापुरूष मंदिर ते बिलाल रेसिडेन्सी मापारी वाडा रस्त्याची पुरती दुरवस्था झालेली आहे. गेली सहा ते सात वर्षे सदरचा रस्ता दुरुस्त करावा, अशी या भागातील नागरिकांनी मागणी करूनही नगर पालिका प्रशासन व लोकप्रतिनिधी यांनी त्याकडे लक्ष दिलेले नाही. त्यामुळे हा भाग शहरात येत नाही काय? असा सवाल या भागातील नागरिकांनी उपस्थित केला आहे.
राजापूर शहरात लाखो रुपये खर्चून रस्त्यांची कामे केली जात आहेत. यात अनेक कामे ही निकृष्ट दर्जाची होत आहेत. काही रस्त्यांच्या कामासाठी तर दोन दोनवेळा खर्च केला जात आहे. प्रत्यक्षात मात्र ज्या भागात रस्त्याची अत्यंत दयनीय अशी अवस्था झाली आहे. त्याकडे मात्र सोईस्कर दुर्लक्ष केले जात आहे. शहरातील वरचीपेठ महापुरूष मंदिराकडून पुढे मापारी वाडा भागात जाणाऱ्या रस्त्याची पुरती दुरवस्था झाली असून गेली सहा ते सात वर्षे रस्ता दुरुस्त करावा, अशी मागणी नागरिकांनी केली आहे.