69093

वाफोलीची यशस्वी परंपरा कौतुकास्पद

विनेश गवस ः दहावी, बारावी परीक्षेतील गुणवंतांचा गौरव

सकाळ वृत्तसेवा
बांदा, ता. ८ ः वाफोलीतील विद्यार्थ्यांनी दहावी-बारावी परीक्षेत यशाची परंपरा कायम ठेवली आहे. त्यांचे हे यश निश्चितच कौतुकास्पद आहे. भविष्यात स्पर्धा परीक्षांमध्ये यश मिळवून प्रशासकीय अधिकारी होण्यासाठी आतापासूनच प्रयत्न करा, असे आवाहन उपसरपंच विनेश गवस यांनी केले.
वाफोली ग्रामपंचायतीतर्फे दहावी व बारावी उत्तीर्ण विद्यार्थ्यांचा सत्कार सोहळा ग्रामपंचायत कार्यालयात झाला. सरपंच उमेश शिरोडकर व उपसरपंच गवस आदींच्या हस्ते विद्यार्थ्यांना सन्मानित केले. तसेच अहिल्याबाई होळकर पुरस्कार प्राप्त व सामाजिक क्षेत्रात योगदान दिलेल्या मान्यवरांचाही सत्कार केला.
वाफोली ग्रामपंचायतीतर्फे प्रतिवर्षाप्रमाणे दहावी व बारावी परीक्षेत यश प्राप्त केलेल्या ४२ विद्यार्थ्यांचा सत्कार करण्यात आला. अहिल्याबाई होळकर पुरस्कार प्राप्त तृप्ती परब व सुवर्णा नाईक यांनाही गौरविले. आंतरराष्ट्रीय ख्यातीचे चित्रकार एस. बी. पोलाजी, कलाकार ‘हंबीरराव’ फेम अनिल गवस, संतोष सावंत यांचाही सत्कार झाला. अंगणवाडी सेविका, मदतनिस, आशा स्वयंसेविका, विलवडे आरोग्य उपकेंद्राच्या डॉ. मणेरीकर, ग्रामसेवक प्रसाद ठाकूर यांनाही गौरविले.
यावेळी माजी सरपंच मारुती गवस, शिक्षण प्रसारक मंडळ बांदाचे अध्यक्ष डी. बी. वारंग, शुभदा आईर, दशरथ कांबळे, गौतम कांबळी, श्रीकृष्ण गवस, सुधाकर सावंत, श्रीकृष्ण ठाकूर, दशरथ आईर, ऋतुजा गवस, शिल्पा गवस, सुनयना देसाई, विष्णू गवस, एस. बी. पोलाजी, अनिल गवस, वाफोली सोसायटी चेअरमन धनश्री गवस, करिष्मा गवस, समिधा देसाई, तुषार आईर, गुरुदास गवस, महेश गवस, सुनील परब, प्रभाकर गवस, तृप्ती परब, सुवर्णा नाईक उपस्थित होते. मनोहर गवस यांनी आभार मानले.