-rat९p९.jpg-
२५N६९३३१
रत्नागिरी : राज्यस्तरीय ब्रिज स्पर्धेचे विजेतेपद डॉ. हजिरनीस संघातील आर. श्रीधरन, पी. हेगडे, आर. गुळवणी, बी. जी. दक्षिणदास यांना प्रदान करताना अध्यक्ष मोहन दामले.
----
डॉ. हजिरनीस संघाला विजेतेपद
राज्यस्तरीय ब्रिज स्पर्धा ; विजेत्यांचा गौरव
सकाळ वृत्तसेवा
रत्नागिरी, ता. १० : रत्नागिरी जिल्हा ब्रिज असोसिएशनच्या सुवर्ण महोत्सवी वर्षानिमित्त व असोसिएशनचे दिवंगत अध्यक्ष प्राचार्य डॉ. सुभाष देव यांच्या स्मृतिप्रीत्यर्थ आयोजित राज्यस्तरीय ब्रिज स्पर्धेचे बक्षीस वितरण रविवारी झाले. या स्पर्धेत गोल्डन ग्रुपमध्ये डॉ. हजिरनीस यांच्या टीमने विजेतेपद पटकावले तर सिल्व्हर ग्रुपमध्ये बोरिवली स्पोर्ट्स क्लबने विजेतेपद मिळवले.
साळवी स्टॉप येथील नक्षत्र हॉलमध्ये दोन दिवस या स्पर्धा झाल्या. गोल्डन ग्रुपमध्ये प्रथम क्रमांक डॉ. हजिरनीस यांच्या संघाने मिळवला. द्वितीय हेमंत पांडे व सहकाऱ्यांच्या डॅझन संघाने, तृतीय अनिरूद्ध संझगिरी यांच्या फ्रेनमेस, चौथा वरसले यांच्या जाम संघाने, पाचवा क्रमांक जे. के. भोसले यांच्या अमनोरा संघाने आणि सहावा क्रमांक रत्नागिरीच्या मोहन दामले, अभय पटवर्धन, माधव आगाशे व अभय लेले यांच्या श्री मॅंगो संघाने मिळवला. सिल्व्हर ग्रुपमध्ये एस. बी. खानोलकर यांच्या बोरिवली स्पोर्ट्स क्लबने प्रथम, द्वितीय संजय वैद्य यांच्या गणेश (सांगली) संघाने, तृतीय क्रमांक देशमुख यांच्या पल्स ग्रुपने मिळवला.
स्पर्धेचे बक्षीस वितरण जिल्हा ब्रिज असोसिएशनचे अध्यक्ष मोहन दामले यांच्या हस्ते झाले. विजेत्यांना पन्नास हजार रुपयांची बक्षिसे देऊन गौरवण्यात आले. स्पर्धेकरिता भाजपचे प्रदेश कार्याध्यक्ष व डोंबिवलीचे आमदार रवींद्र चव्हाण यांचे बहुमोल सहकार्य लाभले. स्पर्धा यशस्वितेसाठी रत्नागिरी ब्रिज असोसिएशनचे अध्यक्ष मोहन दामले, सचिव सचिन जोशी, स्पर्धा कमिटीतील अभय लेले, चिंतामणी दामले, सचिन मुळे, विनायक मुळे यांनी विशेष मेहनत घेतली.