swt922.jpg
69491
बांदाः सहाय्यक अभियंता एस. आर. कोहळे यांना पुष्पगुच्छ देऊन शुभेच्छा देताना बांदा ग्रामस्थ. (छायाचित्र ः नीलेश मोरजकर)

बांदा ग्रामस्थांतर्फे
कोहळे यांचा सत्कार
सकाळ वृत्तसेवा
बांदा, ता. १०ः महावितरणचे सहाय्यक अभियंता एस. आर. कोहळे यांची मुंबई येथे प्रशासकीय बदली झाल्याने त्यांचा बांदा ग्रामस्थांच्या वतीने सत्कार करण्यात आला.
माजी उपसरपंच राजाराम उर्फ बाळू सावंत म्हणाले की, अभियंता कोहळे यांनी बांदा शहर तसेच परिसरात महावितरणच्या माध्यमातून अनेक चांगली कामे केली. शहरातील वीजपुरवठा सातत्याने सुरळीत ठेवण्यासाठी त्यांनी नेहमीच प्रयत्न केले.
यावेळी माजी उपसरपंच जावेद खतीब, श्यामसुंदर मांजरेकर, गुरुनाथ सावंत, अभी देऊलकर, प्रशांत पांगम, बंड्या खान आदी उपस्थित होते.
कोहळे म्हणाले, ‘‘आपल्या सेवाकाळात बांदा शहर व परिसरातील ग्रामस्थांनी वेळोवेळी सहकार्य केले. बांद्यात बजावलेली सेवा कधीही न विसरता येण्यासारखी आहे.’’