- rat११p१०.jpg-
२५N६९८१९
लांजा ः वृक्ष लागवडप्रसंगी उपस्थित उपविभागीय पोलिस अधिकारी यशवंत केगडे, दीपक नागवेकर आणि पदाधिकारी.

काही सुखद--------लोगो
---
पन्नासाव्या वाढदिवशी वटवृक्षांची लागवड
दीपक नागवेकरांचा उपक्रम; दाभोळे-वाटुळ रस्त्यावर वृक्षारोपण
सकाळ वृत्तसेवा
लांजा, ता. ११ ः लांजा तालुक्यातील पदवीधर प्राथमिक शिक्षक दीपक नागवेकर यांनी पन्नासाव्या वाढदिवसानिमित्त वटवृक्षाची ५० रोपांची लागवड करत सर्वांपुढे आदर्श घालून दिला आहे. ही रोपं दाभोळे-वाटुळ रस्त्याच्या दुतर्फा लावून त्यांनी अनोख्या पद्धतीने सोमवारी (ता. ९) वाढदिवस साजरा केला.
लांजा तालुक्यातील शिपोशी येथील नागवेकर रत्नागिरीत शिक्षक म्हणून कार्यरत आहेत. सध्या ते प्राथमिक शिक्षक संघाचे जिल्हाध्यक्ष म्हणून काम पाहत आहेत. सध्या मोठ्या प्रमाणात होणारी वृक्षतोड आणि त्यात वटवृक्षासारख्या पर्यावरणाच्यादृष्टीने महत्त्वाचा असलेल्या झाडांची होणारी तोड यामुळे वडाची झाडे नामशेष होत आहेत. त्यामुळेच आपल्या वाढदिवशी वटवृक्षाच्या झाडांची लागवड करण्याचा निश्चय त्यांनी केला होता. त्यानुसार सोमवारी वाढदिवसानिमित्त त्यांनी वटवृक्षाची ५० झाडे ही वाटुळ-दाभोळे मार्गाच्या दुतर्फा लावली. उपविभागीय पोलिस अधिकारी यशवंत केडगे यांच्या हस्ते वृक्षारोपण करण्यात आले. या वेळी शिवसेनेचे जिल्हाप्रमुख दत्ता कदम, तालुकाप्रमुख गुरूप्रसाद देसाई, अमर खामकर, भार्गव घाग, प्रसाद बाईंग, रवींद्र जाधव, शाहनवाज सारंग, बाळा खुर्द, बाबा माने यांच्यासह नागवेकर यांचे कुटुंब उपस्थित होते. तसेच या वेळी कोर्ले केंद्रातील सर्व विद्यार्थ्यांना बीजरोपण करण्यासाठी बियांचे वाटप करण्यात आले. केंद्रप्रमुख रवींद्र जाधव यांनी बिया स्वीकारल्या. अशा प्रकारे आपल्या वाढदिवसानिमित्त वटवृक्षाची लागवड करून वेगळ्या पद्धतीने हा वाढदिवस साजरा केल्याबद्दल उपस्थित उपविभागीय पोलिस अधिकारी यशवंत केडगे यांनी नागवेकर यांचे अभिनंदन केले.