swt125.jpg
70115
देवगडः तहसीलदार आर. जे. पवार यांच्या उपस्थितीत संजय गांधी निराधार योजना समितीची बैठक झाली.

संजय गांधी निराधार योजनेचे
देवगडमध्ये १५ प्रस्ताव मंजूर
सकाळ वृत्तसेवा
देवगड, ता. १२ः येथील तहसीलदार आर. जे. पवार यांच्या अध्यक्षतेखाली झालेल्या संजय गांधी निराधार योजना समितीच्या बैठकीत तालुक्यातील १५ लाभार्थ्यांचे प्रस्ताव मंजूर करण्यात आले. बैठकीत त्रुटींच्या पूर्ततेवर एक प्रस्ताव प्रलंबित ठेवला असल्याची माहिती महसूल यंत्रणेने दिली.
या बैठकीला नायब तहसीलदार सुरेंद्र काबळे, सहायक महसूल अधिकारी एस. बी. साळुंखे, देवगड जामसंडे नगरपंचायत मख्याधिकारी सूरज कांबळे आदी उपस्थित होते. प्रस्ताव मंजूर लाभार्थ्यांमध्ये संजय गांधी विधवा निराधार योजनेंतर्गत ५, घटस्फोटित १, दिव्यांग ३ व श्रावणबाळ योजनेंतर्गत ६ प्रस्तावांना मंजुरी देण्यात आली. यामध्ये अंकिता राणे (बापर्डे), उर्वशी घाडी (वळीवंडे), नम्रता तावडे (जामसंडे), राजेश्री माटवकर (पोयरे), सारिका माने (जामसंडे), स्वप्नाली देऊलकर (देवगड), अलका सावंत (दहिबांव), प्रदीप धुरी (तळवडे), सौरभ तोरसकर (महाळुंगे), राजश्री दळवी (दहिबांव), यशवंत दळवी (दहिबांव), मीनाक्षी घाडी (गोवळ), रवींद्र शिवलकर (दहिबांव), विठ्ठल कदम (इळये), सूर्यकांत मालवणकर (गिर्ये) आदी लाभार्थ्यांना लाभ मंजूर करण्यात आला.