swt13.jpg
70380
प्रियांशु मांजरेकर, उन्मेष पाटकर, महादेव सावंत

बी. एस. बांदेकरचे विद्यार्थी
अप्लाइड आर्टमध्ये चमकले
सकाळ वृत्तसेवा
सावंतवाडी, ता. १४ः मुंबई विद्यापीठाच्या बी. एफ. ए. (अप्लाइड आर्ट) शाखेचा निकाल जाहीर झाला असून बी. एस. बांदेकर कला महाविद्यालय, सावंतवाडीच्या प्रियांशु मांजरेकर (सातवा), उन्मेष पाटकर (नववा) आणि महादेव सावंत (अकरावा) या विद्यार्थ्यानी बीएफएच्या अंतिम परीक्षेत चमक दाखविली.
मुंबई विद्यापीठाच्या विविध नामांकित महाविद्यालयांतील ३०० हून अधिक विद्यार्थ्यांमध्ये बांदेकर महाविद्यालयातील या तिघांनी विद्यापीठाच्या पहिल्या ११ गुणवंतांमध्ये स्थान मिळवत संस्थेचा नावलौकिक वाढविला आहे. यावर्षी अंतिम परीक्षेस बसलेल्या २७ विद्यार्थ्यांपैकी ८ विद्यार्थ्यांना प्रथम श्रेणी, १८ विद्यार्थ्यांना द्वितीय श्रेणी प्राप्त झाली. त्यांना प्राचार्य उदय वेले, प्रा. सिद्धेश अनिल नेरुरकर, प्रा. राधा गावडे, प्रा. तुकाराम आत्माराम मोरजकर, प्रा. चेतन जगताप यांचे मार्गदर्शन लाभले. महाविद्यालयाचे प्राचार्य प्रा. उदय वेले यांनी सर्व यशस्वी विद्यार्थ्यांचे अभिनंदन केले. संस्थेचे अध्यक्ष रमेश भाट, संस्थापक सदस्य, तसेच सर्व शिक्षक व शिक्षकेत्तर कर्मचाऱ्यांनी देखील विद्यार्थ्यांचे कौतुक करत पुढील वाटचालीस शुभेच्छा दिल्या.