७०८९०
पर्यावरणाचा ऱ्हास
रोखण्यासाठी झाडे लावा
सुभाषराव चव्हाण ः पिंपळीखुर्दमध्ये वृक्षारोपण
चिपळूण, ता. १६ ः तुम्हाला मायेची ऊब हवी असेल तर मग आईच्या नावे प्रत्येक भारतीयाने एक वृक्ष लावावा आणि त्याला जगवावे कारण, पर्यावरणाचा ऱ्हास रोखण्यासाठी वृक्ष लागवडीची गरज आहे, असे प्रतिपादन चिपळूण नागरी सहकारी पतसंस्थेचे संस्थापक-अध्यक्ष सुभाषराव चव्हाण यांनी पिंपळीखुर्द येथे केले.
चिपळूण नागरी सहकारी पतसंस्था, वाशिष्ठी मिल्क अँड मिल्क प्रॉडक्ट्स, वाशिष्ठी पंचक्रोशी सहकारी दूध उत्पादक सहकारी संस्था, जिल्हा निबंधक सहकारी संस्था, चिपळूण तालुका स्वयंरोजगार सेवा उद्योग सहकारी संस्था, या संस्थांच्या संयुक्त विद्यमाने ''एक पेड मेरे माँ के नाम'' या मोहिमेंतर्गत पिंपळीखुर्द येथील श्री ग्रामदैवत केदार सुकाई मंदिर प्रवेशद्वारासमोर रविवारी ५७ प्रकारचे आयुर्वेदिक वृक्षारोपण करण्यात आले. यामध्ये कदंब, अर्जुन, वड, पिंपळ, कडुलिंब तसेच आंबा, काजू, जांभूळ, चिंच, आवळा या झाडांचा समावेश आहे. या वेळी वाशिष्ठी डेअरीचे चेअरमन प्रशांत यादव, चिपळूण नागरीचे व्हाईस चेअरमन अशोक साबळे, संचालिका स्मिता चव्हाण आदी उपस्थित होते.