किन्हळ, सुसेरीत
भात बियाण्यांचे वाटप
दापोली, ता. १७ ः दापोली कृषी महाविद्यालयातर्फे नव्याने दत्तक घेण्यात आलेल्या किन्हळ आणि खेड तालुक्यातील सुसेरी गावात शेतकऱ्यांसाठी ‘भात व भाजीपाला बियाणे वाटप’ हा कार्यक्रम झाला. आध्यात्मिक आणि शास्त्रीय दृष्टिकोनातून शेतीचे फायदे आणि महत्त्व सांगून शेतीचा विकास कसा साधता येईल, याबाबत विस्तार शिक्षण विभागप्रमुख डॉ. संतोष वरवडेकर यांनी शेतकऱ्यांना मार्गदर्शन केले. तसेच प्रत्येकाने आपल्या जन्मनक्षत्र आणि राशीनुसार किमान एक झाड लावून त्याची काळजी घ्यावी, असे आवाहन केले.
यावेळी विस्तार शिक्षण विभागाचे वरिष्ठ संशोधन सहायक डॉ. मंदार पुरी, कनिष्ठ संशोधन सहायक डॉ. प्रवीण झगडे, शिल्पा नाईक, कृषी सहायक नरेश आईनकर, समीर उसरे, कृषी विभागाच्या कृषी सहायक वैदेही गुहागरकर आदी उपस्थित होते. खेडमध्ये भात बियाणे वाटपाच्या कार्यक्रमाला सरपंच संतोष कंचावडे व शेतकरी प्रवीण जाखळ, गंगाराम कंचावडे, सचिन निमरे, संदेश महाडिक, श्रीकांत भांबीड आदी उपस्थित होते.