71351
मिलाग्रीस प्रशालेमध्ये
‘ओरिएंटेशन’ प्रशिक्षण
सकाळ वृत्तसेवा
सावंतवाडी, ता. १७ ः मिलाग्रीस हायस्कूल येथे पहिले ओरिएंटेशन प्रशिक्षण ६ जूनला आयोजित करण्यात आले. हे प्रशिक्षण प्रशालेतील पूर्व प्राथमिक ते सहावीपर्यंत अध्यापन करणाऱ्या सर्व शिक्षकांसाठी होते. या प्रशिक्षणासाठी प्रशिक्षक अँथोनी डिसोजा यांनी काम पाहिले.
डिसोजा हे सेंट फ्रँसिस झेवियर स्कूल, कोल्हापूर येथे गणित व विज्ञान विषयाचे शिक्षक म्हणून कार्यरत आहेत. या प्रशिक्षणात कृतीयुक्त अध्यापन, शैक्षणिक उपक्रम व विद्यार्थ्यांचे मानसशास्त्र आदी घटकांवर शिक्षकांना विशेष मार्गदर्शन करण्यात आले. तसेच शुक्रवारी (ता. १३) प्रशालेत द्वितीय प्रशिक्षण पार पडले. यासाठी डॉ. आयवन अल्मेडा यांनी प्रशिक्षक म्हणून काम पाहिले. पेशाने प्रोफेसर, थेरपीस्ट आणि मेडिटेशन गाईड असणारे अल्मेडा यांनी मानवी मनाच्या अवस्था, विद्यार्थ्यांच्या भावावस्था, शिक्षकांचे मानसिक स्थैर्य, अध्ययन-अध्यापनाचे सुयोग्य नियोजन अशा विविध घटकांबाबत शिक्षकांना विशेष मार्गदर्शन केले. प्रशिक्षणाची संकल्पना मिलाग्रीसचे मुख्याध्यापक फादर रिचर्ड सालदाना यांची होती. पर्यवेक्षिका संध्या मुणगेकर यांनी विशेष सहकार्य केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.