लोटेमाळ अपघात;
मोटारचालकावर गुन्हा
खेड : राष्ट्रीय महामार्गावर लोटेमाळनजीक मोटार आणि दुचाकी यांच्यात झालेल्या अपघातात दुचाकीस्वार नितीन शरद म्हादलेकर (२७) हा जखमी झाला. या प्रकरणी संशयित मोटार चालक भाऊ बबन मरगळे (३७) यांच्यावर बुधवारी येथील पोलिस ठाण्यात गुन्हा दाखल करण्यात आला. या प्रकरणी सहाय्यक पोलिस फौजदार यांनी पोलिस ठाण्यात तक्रार नोंदवली आहे.

कोकण रेल्वेगाड्यांवर
पावसाचा परिणाम
खेड : मुसळधार पर्जन्यवृष्टीचा कोकण मार्गावरून धावणाऱ्या रेल्वेगाड्यांच्या सेवांवर गुरूवारी (ता. १९) परिणाम झाला होता. नागपूर-मडगाव स्पेशल सुमारे ५ तास उशिराने मार्गस्थ झाल्याने प्रवासी रखडले. अन्य ७ रेल्वेगाड्यांचे प्रवासी खोळंबले. उधना-मंगळूर स्पेशलसह दिवा-सावंतवाडी एक्स्प्रेस २ तास उशिराने धावली. केरला संपर्कक्रांती एक्स्प्रेस १ तास १५ मिनिटे तर एर्नाकुलम-एलटीटी दुरांतो एक्स्प्रेस १ तास मिनिटे विलंबाने मार्गस्थ झाली. निजामुद्दीन-एर्नाकुलम मंगला एक्स्प्रेस १ तास ३० मिनिटे तर एलटीटी-तिरूवअनंतपूरम नेत्रावती एक्स्प्रेस १ तास विलंबाने धावली. करमाळी-एलटीटी वातानुकूलित स्पेशलही १ तासांनी ''लेट धावली; मात्र पाऊस ओसरल्यानंतर कोकण रेल्वेचे वेळापत्रक पुन्हा सुरळीत झाले आहे.
--