72290

स्टेपिंग स्टोन स्कूलमध्ये योग दिन
सावंतवाडी ः येथील स्टेपिंग स्टोन ग्लोबल स्कूलमध्ये जागतिक योग दिन उत्साहात साजरा करण्यात आला. प्रशालेतील पी.टी. शिक्षक शैलेश नाईक यांनी प्रथम विद्यार्थ्यांना योग दिन म्हणजे काय व त्याचे महत्त्व याबाबत माहिती दिली. या दिवसाचे भौगोलिक, ज्योतिषशास्त्रीय, खगोल शास्त्रीय व अध्यात्मशास्त्रीयदृष्ट्या महत्त्व सांगितले. चौथी ते सातवीच्या विद्यार्थ्यांकडून नाईक यांनी तर पहिली ते तिसरीच्या विद्यार्थ्यांची प्रशालेच्या समन्वयक सुषमा पालव यांनी योगासने करून घेतली. पहिली ते सातवीच्या विद्यार्थ्यांकडून राष्ट्रीयस्तरावर दिलेल्या योगासनांचे प्रात्यक्षिक दाखवून ती आसने करून घेतली. योगा जीवनाचा अविभाज्य भाग असून ती एक जीवनशैली आहे, म्हणून प्रतिदिन योग करण्याचा संकल्प विद्यार्थ्यांना दिला गेला. प्रशालेतील संचालक रुजुल पाटणकर व मुख्याध्यापिका प्राची साळगावकर यांनी देखील मनुष्याच्या विद्यार्थ्यांना मानसिक व शारीरिक विकासासाठी योगा करणे किती महत्त्वाचे आहे, हे सांगून पुढील वाटचालीसाठी प्रोत्साहन दिले.