-rat२२p२७.jpg-
२५N७२३६०
मंडणगड : कुंबळे येथील दिव्यांग भाऊ सप्रे याला दुचाकी देताना गृहराज्यमंत्री योगेश कदम.
-----
मंडणगडमध्ये दाखल्यांचे वाटप
समाधान शिबिर ; दिव्यांगाना दुचाकीचे वितरण
सकाळ वृत्तसेवा
मंडणगड, ता. २४ ः मंडणगड तहसील कार्यालयातर्फे राजमाता जिजाऊ सभागृहात छत्रपती शिवाजी महाराज समाधान शिबिर घेण्यात आले. यामध्ये गृहराज्यमंत्री योगेश कदम यांच्या हस्ते नागरिकांना विविध दाखले, शिधापत्रिका, दिव्यांग दुचाकींचे वाटप करण्यात आले.
धरती आबा जनजातीय ग्राम उत्कर्ष अभियान अंतर्गत तिडे येथील आदिवासी वाडीतील बांधवांना प्राधान्य प्रवर्गातील शिधापत्रिकांचे वाटप करण्यात आले. जिवंत सातबारा मोहिमेंतर्गत एकूण ११२६ खातेदारांना सातबारा वाटप करण्यात आले आहे. तालुक्यात म्हाप्रळ, देव्हारे व वेसवी मंडळामध्ये शिबिरांचे आयोजन करण्यात आले होते. त्यातून तालुक्यातील २०३४ हून अधिक नागरिकांना शासकीय दाखले देण्यात आले. शिबिरात उत्पन्न दाखले, जातीचे दाखले, नॉन क्रिमिलेअर, शिधापत्रिकांचे वाटप करण्यात आले. या वेळी दापोली उपविभागीय अधिकारी विजयकुमार सूर्यवंशी, तहसीलदार अक्षय ढाकणे, नायब तहसीलदार संजय गुरव, मंडळ अधिकारी नीलेश गोडघासे, प्रकाश साळवी, श्री. गायकवाड, पुरवठा अधिकारी श्री. जाधव, ग्राम महसूल अधिकारी मयूर पंडित, उद्धव घाटूळ आदी उपस्थित होते.