73006

आंबोलीत विद्यार्थ्यांना
भाजपतर्फे वह्या वाटप

सकाळ वृत्तसेवा
सावंतवाडी, ता. २५ ः भाजपच्या माध्यमातून आंबोली जिल्हा परिषद मतदारसंघात शालेय विद्यार्थांना मोफत वह्या वाटप कार्यक्रम संदीप गावडे यांचा माध्यमातून राबविण्यात आला. यंदाचे वर्ष हे या उपक्रमाचे आठवे वर्ष आहे.
विद्यार्थ्यांना शैक्षणिकदृष्ट्या सक्षम करणे महत्त्वाचे आहे, हा उद्देश समोर ठेवून मोफत वह्या वाटप उपक्रम दरवर्षी आम्ही राबवित असतो. अनेक कंपिटेटिव्ह स्पर्धा परीक्षांमध्ये विद्यार्थ्यानी सहभाग घेऊन त्या दृष्टीने अभ्यास करावा, अशी माझी इच्छा आहे आणि हेच डोळ्यासमोर ठेवून यावर्षीची वह्यांची थीमदेखील देशातील विविध महत्त्वाच्या स्पर्धा परीक्षा अशी ठेवलेली आहे. स्पर्धा परीक्षांसाठी प्रयत्न करणाऱ्या इच्छुक मुलांनादेखील सहकार्य करण्यास आनंद होईल, असे यावेळी गावडे यांनी सांगितले. यावेळी आंबोली जिल्हा परिषद मतदारसंघातील सर्व भाजपचे कार्यकर्ते, पदाधिकारी व सरपंच उपस्थित होते.