फुले विचार मंचची
आज वेंगुर्लेत सभा
वेंगुर्ले ः येथील साई मंगल कार्यालयात उद्या (ता. २६) सायंकाळी ५ वाजता फुले-शाहू-आंबेडकर विचार मंचची सभा आयोजित केली आहे. विचार मंचचे अध्यक्ष जयप्रकाश चमणकर यांच्या अध्यक्षतेखाली आयोजित करण्यात आलेल्या या सभेत विचार मंचच्या आगामी विविध कार्यक्रमांविषयी निर्णय घेण्यात येणार आहेत. विचार मंचतर्फे भारतीय संविधानाच्या अमृत महोत्सवानिमित्त संविधान जागृतीचा उपक्रम हाती घेण्यात आला आहे. या उपक्रमाची पुढची दिशा ठरविण्याबाबत सभेत निर्णय होणार आहे. विचार मंचच्या सदस्यांनी, तसेच सामाजिक कार्याची आवड असणाऱ्या पुरोगामी विचारसरणीच्या नागरिकांनी सभेस उपस्थित राहावे, असे आवाहन विचार मंचचे सचिव महेंद्र मातोंडकर यांनी केले आहे.
....................
वेंगुर्ले येथे रविवारी
‘मॉन्सून अंब्रेला पेंटिंग’
वेंगुर्ले ः ‘माझा वेंगुर्ला’तर्फे येथील स्वामिनी मंगल कार्यालयात रविवारी (ता. २९) दुपारी ३ ते ६ या वेळेत ‘मॉन्सून अंब्रेला पेंटिंग’ उपक्रमाचे आयोजन करण्यात आले आहे. उपक्रमात सहभागी होण्यासाठी वयाची अट नाही. प्रत्येकाने ब्रश व प्लेट घेणे आवश्यक आहे. सहभागी होणाऱ्या प्रत्येकाला स्वतः रंगवलेली छत्री व ॲक्रॅलिक रंगाचा बॉक्स दिला जाणार आहे. या उपक्रमात सहभागी होणाऱ्यांनी नाव नोंदणीसाठी मयुर पवार यांच्याशी संपर्क साधावा, असे आवाहन ‘माझा वेंगुर्ला’तर्फे करण्यात आले आहे.