73061

पॉवर लिफ्टिंग स्पर्धेमध्ये
देवगड हायस्कूलचे यश

सकाळ वृत्तसेवा
देवगड, ता. २५ ः कणकवली येथे झालेल्या जिल्हास्तरीय पॉवर लिफ्टिंग स्पर्धेमध्ये येथील शेठ म. ग. हायस्कूलची विद्यार्थिनी वेदा साटम हिने ६३ किलो वजनी सबज्युनिअर गटात सुवर्णपदक आणि वरिष्ठ गटात रौप्यपदक प्राप्त केले, तर शमिका वाडकर हिने सबज्युनियरमध्ये सुवर्णपदक प्राप्त केले. ‘स्ट्राँग गर्ल ऑफ सब ज्युनिअर’ म्हणून तिला चषक देऊन गौरविण्यात आले. या दोन्ही विद्यार्थिनींचा शाळेतर्फे आयोजित एका कार्यक्रमात सन्मान करण्यात आला. यावेळी देवगड एज्युकेशन बोर्डाचे उपाध्यक्ष निरंजन दीक्षित, उपाध्यक्ष सदानंद पवार, स्थानिय समिती सचिव अ‍ॅड. अविनाश माणगावकर, स्थानिय समिती खजिनदार दत्तात्रय जोशी, सदस्य विलास रुमडे, डॉ. पुष्कर आपटे आदी उपस्थित होते.
..........................
73062

शिवसेना मालवण प्रवक्ते
बाईत यांना नियुक्तिपत्र

सकाळ वृत्तसेवा
मालवण, ता. २५ : शिवसेनेच्या मालवण तालुका प्रवक्तेपदी नीलेश बाईत यांची नियुक्ती करण्यात आली. याबाबतचे नियुक्तिपत्र जिल्हाप्रमुख दत्ता सामंत यांनी बाईत यांना सुपूर्द केले.
यात म्हटले आहे की, शिवसेना प्रमुख बाळासाहेब ठाकरे यांच्या आशीर्वादाने, तसेच आनंद दिघे यांच्या प्रेरणेने व शिवसेनेचे मुख्य नेते तथा उपमुख्यमंत्री एकनाथ शिंदे यांच्या आदेशाने पक्षवाढीसाठी सर्वांना सोबत घेऊन काम करा. यावेळी तालुकाप्रमुख विनायक बाईत, शहरप्रमुख दीपक पाटकर, प्रशांत परब, बबन परब, प्रकाश कासले, मंगेश यादव, जयन घाडीगावकर, राजू घाडीगावकर, दाजी घाडीगावकर आदी उपस्थित होते.