73108

कळसुलकर प्रशाळेमध्ये
नव्या लोगोचे अनावरण

सावंतवाडी, ता. २५ ः सावंतवाडी एज्युकेशन सोसायटी संचलित कळसुलकर इंग्लिश स्कूल व आय. बी. सय्यद कनिष्ठ महाविद्यालय सावंतवाडीच्या वाटचालीस १२५ वर्षे पूर्ण झाल्याने शैक्षणिक वर्ष २०२५-२६ च्या पूर्वसंध्येचे औचित्य साधून संस्था व प्रशालेतर्फे नव्याने तयार केलेल्या प्रशालेच्या लोगोचे अनावरण करण्यात आले.
या कार्यक्रमाचे औचित्य साधून शाळेचा माजी विद्यार्थी सर्वेश माडेलकर याची भारतीय सैन्यात भरती झाल्याबद्दल संस्थाध्यक्ष शैलेश पई यांनी संस्थेच्यावतीने सत्कार केला. व्यासपीठावर संस्थेचे सचिव प्रसाद नार्वेकर, संचालक मुकुंद वझे, डॉ. स्वार, मोहन वाडकर, अण्णा म्हापसेकर, संचालिका राजश्री टिपणीस, नम्रता नेवगी, मुख्याध्यापक एस. व्ही. भुरे, पर्यवेक्षक सुबोध वराडकर, प्राथमिक शाळेचे मुख्याध्यापक प्रदीप सावंत, माजी विद्यार्थी संघाचे अध्यक्ष दत्तप्रसाद गोठोसकर, माजी विद्यार्थी सर्वेश मांडेलकर, पालक संघ सदस्य अरुण भिसे उपस्थित होते. प्रशालेच्या सभागृहामध्ये प्रशालेतील आनंद शिशुवाटिका विभाग, प्राथमिक विभाग, माध्यमिक विभाग व उच्च माध्यमिक विभागातील सर्व शिक्षक वृंद आदी उपस्थित होते. अनिल ठाकूर यांनी सूत्रसंचालन केले. दिगंबर सारंग यांनी आभार मानले.