swt269.jpg
73269
निकिता गवळी, सिद्धी गोसावी, प्राची हनपडे, संजना मेस्त्री, नेहा गावकर, प्रतीक्षा शिंदे

माडखोल व्ही. पी. फार्मसी
कॉलेजचा ८२.५० टक्के निकाल
सकाळ वृत्तसेवा
सावंतवाडी, ता. २६ ः व्ही. पी. कॉलेज ऑफ फार्मसी, माडखोलची विद्यार्थिनी निकिता गवळी ८२.५० टक्के गुणांसह जिल्ह्यात प्रथम आली असून, डी. फार्मसीचा निकाल १०० टक्के लागला. महाराष्ट्र राज्य तंत्र शिक्षण मंडळ, मुंबईतर्फे घेण्यात आलेल्या उन्हाळी परीक्षा २०२५ मध्ये माडखोल येथील व्ही. पी. कॉलेज ऑफ फार्मसी महाविद्यालयाच्या पदविका (डी. फार्मसी) अभ्यासक्रमाचा निकाल १०० टक्के लागला आहे.
महाविद्यालयाच्या विद्यार्थ्यांनी दरवर्षीप्रमाणे यंदाही उत्कृष्ट कामगिरी करत उज्ज्वल यशाची परंपरा कायम राखली आहे. निकाल अनुक्रमे असा ः प्रथम वर्ष-निकिता गवळी (८२.५०), सिद्धी गोसावी (८१.२०), प्राची हनपडे (८० टक्के). द्वितीय वर्ष-संजना मेस्त्री (८३.१८), नेहा गावकर (८३ टक्के), प्रतीक्षा शिंदे (८२.१८). विद्यार्थ्यांच्या या यशाबद्दल संस्थेचे प्रेरणास्थान, माजी कुलगुरू डॉ. वेदप्रकाश पाटील तसेच संस्थेचे कार्याध्यक्ष डॉ. राहुल पाटील यांनी अभिनंदन करत भविष्यातील वाटचालीसाठी शुभेच्छा दिल्या. संस्थेचे प्रशासकीय अधिकारी पंकज पाटील, प्रा. डॉ. सुनील शिंगाडे, शिक्षक व शिक्षकेतर कर्मचारी यांनी विद्यार्थ्यांचे अभिनंदन केले.