73330

इंग्रजी संभाषण वर्गाला
वाडा हायस्कूलमध्ये प्रारंभ
देवगड, ता. २७ : तालुक्यातील वाडा येथील अ. कृ. केळकर हायस्कूलमध्ये इंग्रजी संभाषण वर्गाचा प्रारंभ झाला. दीक्षित फाउंडेशन आणि कुशल अॅकॅडमी यांच्या संयुक्त विद्यमाने हा इंग्रजी संभाषण वर्ग चालू शैक्षणिक वर्षात चालणार आहे. मान्यवरांच्या उपस्थितीत उद्‍घाटन झाले.
व्यासपीठावर स्थानीक समितीचे अध्यक्ष शांताराम पुजारे, दीक्षित फाउंडेशनचे संस्थापक निरंजन दीक्षित, कुशल अॅकॅडमीचे जयंत मणेरकर व वैशाली मणेरकर, शाला समितीचे अध्यक्ष हर्षद जोशी, मुख्याध्यापक सुनील घस्ती आदी उपस्थित होते. श्री. दीक्षित यांनी इंग्रजी भाषेचे महत्त्व व गरज स्पष्ट केली. इंग्रजी संभाषण करताना असलेली भीती निघून जावी, यासाठी विद्यार्थ्यांनी प्रयत्न करणे आवश्यक असल्याचे मत व्यक्त केले. श्री. मणेरकर यांनी, विद्यार्थ्यांशी संवाद साधला. इंग्रजी संभाषण ही काळाची गरज बनल्याचे सांगत विद्यार्थ्यांनी व्यक्तिमत्त्व विकासासाठी इंग्रजीतून संवाद साधणे गरजेचे असल्याचे सांगितले. सौ. मणेरकर यांनीही मनोगत व्यक्त केले. श्री. जोशी यांनी शाळेसोबतच पालकांचा अशा उपक्रमांत सहभाग वाढणे आवश्यक असल्याचे मत व्यक्त केले. श्री. पुजारे यांनी, विद्यार्थ्यांनी अशा उपक्रमांचा लाभ घ्यावा, असे आवाहन केले. मुख्याध्यापक घस्ती यांनी प्रास्ताविक केले. सहायक शिक्षिका स्मिता तेली यांनी सूत्रसंचालन केले. सचिन मोरे यांनी आभार मानले.