‘हिंदी’सक्ती अध्यादेशाची
कणकवलीत उद्या होळी
ठाकरे गटातर्फे आंदोलनाचा इशारा
कणकवली, ता. २८ : राज्य सरकारने पहिलीपासून ‘हिंदी’सक्तीबाबत काढलेल्या अध्यादेशाची शिवसेना ठाकरे गटातर्फे होळी केली जाणार आहे. ३० जून रोजी कणकवली पटवर्धन चौकात हे आंदोलन होणार आहे. या आंदोलनाला शिवसेना कार्यकर्ते, तसेच सर्व नागरिकांनी उपस्थित राहावे, असे आवाहन ठाकरे गटाचे कणकवली तालुकाप्रमुख कन्हैया पारकर यांनी केले आहे.
श्री. पारकर यांनी दिलेल्या प्रसिद्धीपत्रकात म्हटले आहे, ‘सरकारने महाराष्ट्र राज्यात हिंदीसक्तीचा शासन निर्णय काढला आहे. त्याद्वारे महाराष्ट्रातील मराठी भाषेचे महत्त्व कमी करण्याचा प्रयत्न केला जात आहे. त्यामुळे हिंदीसक्तीच्या विरोधात आवाज उठविण्यासाठी कणकवली तालुका शिवसेना उद्धव बाळासाहेब ठाकरे पक्षाच्या वतीने सोमवारी (ता.३०) सकाळी ११ वाजता कणकवली पटवर्धन चौकात हिंदीसक्तीच्या शासन निर्णयाची होळी करण्यात येणार आहे.’ यावेळी माजी आमदार वैभव नाईक, माजी आमदार परशुराम उपरकर, माजी आमदार राजन तेली, जिल्हाप्रमुख संदेश पारकर, कणकवली विधानसभाप्रमुख सतीश सावंत, महिला जिल्हाप्रमुख नीलम पालव, युवासेना जिल्हाप्रमुख सुशांत नाईक आदी उपस्थित राहणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.