करंजाणीतील मेहता स्कूलमध्ये विद्यार्थी परिषद
नेतृत्व, संघटन कौशल्यासाठी पूरक ; साईप्रसाद, हुमेरा विद्यार्थी प्रमुख
सकाळ वृत्तसेवा
दापोली, ता. २९ः करंजाणी येथील सरोज मेहता इंटरनॅशनल स्कूलमध्ये विद्यार्थी परिषदेची स्थापना केली आहे. विद्यार्थ्यांच्या समस्या, कल्पना आणि गरजा शाळेतील प्रशासनापर्यंत पोहोचवण्याचे काम विद्यार्थी परिषद करते. त्यामुळे विद्यार्थ्यांना नेतृत्व, संघटन कौशल्य आणि सामूहिक जबाबदारीची भावना विकसित करण्याची संधी मिळते.
सरोज मेहता इंटरनॅशनल स्कूलमध्ये २३ जून रोजी विद्यार्थी परिषदेसाठी मतदान प्रक्रिया पार पडली. या मतदान प्रक्रियेमध्ये संस्थेचे चेअरमन सुजय मेहता, मुख्याध्यापिका रितू मेहता आणि शाळेचे सर्व शिक्षक-शिक्षकेत्तर कर्मचारी आणि ५ वी ते १० वीचे विद्यार्थी सहभाग झालेले होते. या विद्यार्थी परिषदेचा निकाल २७ जून रोजी जाहीर करण्यात आला. त्यामध्ये प्रमुख विद्यार्थी म्हणून साईप्रसाद उत्पल वराडकर आणि प्रमुख विद्यार्थीनी म्हणून हुमेरा कासम मेमन यांची निवड करण्यात आली.
तसेच शाळेचा उपप्रमुख शिवतेज सत्यजित ठोंबरे आणि अनुष्का शैलेश भैसारे, शिस्त समन्वयक प्रयाग विलास भांबुरे आणि सृष्टी सदाशिव कुंभार, क्रीडा कर्णधार सर्वेश रुपेश शिंदे आणि दिक्षा दत्ताराम भारदे, सांस्कृतिक प्रमुख श्रीयांश सुजय मेहता आणि भूमी अमोल दरीपकर यांची निवड करण्यात आली. तसेच यावेळी चार घरांची निर्मिती केली असून त्यात आकाश घराचा कर्णधार म्हणून नजीफ चौगुले आणि रिधिमा काळे, अग्नी घराचा कर्णधार म्हणून वेदांत शेट्टे आणि स्वरा तुपे, पृथ्वी घराचा कर्णधार म्हणून फरहान शेख आणि ऋचा करंदीकर, त्रिशूल घराचा कर्णधार हाजीक महालदार आणि देवांशी भगत यांची निवड झाली आहे.