swt237.jpg
74906
मळेवाडः डस्टबिनचे वाटप करताना सरपंच मिलन पार्सेकर. बाजूला उपसरपंच हेमंत मराठे व इतर मान्यवर. (छायाचित्र ः धनश्री मराठे)

मळेवाड कोंडुरेमध्ये डस्टबिनचे वाटप
मळेवाडः मळेवाड कोंडुरे ग्रामपंचायतीतर्फे गावातील कुटुंबांकरिता सरपंच मिलन पार्सेकर यांच्या हस्ते डस्टबिनचे वाटप करण्यात आले. ‘स्वच्छतेकडून समृद्धीकडे’ उपक्रमांतर्गत ग्रामपंचायतीच्या १५ वित्त आयोगांमधून स्वच्छतेकरिता ओला कचरा व सुका कचरा वर्गीकरण करण्यासाठी गावातील कुटुंबांना सुका कचरा व ओला कचरा याकरिता प्रत्येकी एक डस्टबिन ग्रामपंचायतीकडून वाटप करण्यात येत आहेत. या वाटपाचा प्रारंभ सरपंच मिलन पार्सेकर यांच्या हस्ते ग्रामपंचायत कार्यालयात आयोजित विशेष ग्रामसभेत करण्यात आला. यावेळी उपसरपंच हेमंत मराठे यांनी या डस्टबिनचा गावातील ग्रामस्थांनी योग्य वापर करून कचरा उघड्यावर न टाकता त्याची योग्य प्रकारे विल्हेवाट करून गाव स्वच्छ व सुंदर राहण्यासाठी सहकार्य करावे, असे आवाहन केले. महेश शिरसाट, सानिका शेवडे, गिरिजा मुळीक, मधुकर जाधव, दिगंबर मसुरकर, राजाराम मुळीक, दर्शना शिरसाट उपस्थित होते. या ग्रामसभेचे सचिव म्हणून राणी पार्वतीदेवी विद्यालय मळेवाड केंद्रशाळा क्र. १ च्या मुख्याध्यापिका वेंगुर्लेकर यांनी काम पाहिले.