75265

वेत्ये कलेश्वर प्रशालेत
शालेय वस्तूंचे वाटप

सावंतवाडी, ता. ४ ः श्री कलेश्वर विद्यामंदिर, वेत्ये येथील विद्यार्थी आणि अंगणवाडीतील मुलांना नुकतेच शालेय वस्तूंचे वाटप करण्यात आले. सरपंच गुणाजी गावडे यांच्या माध्यमातून वह्या, पेन, तेल खडू आणि छत्र्यांसारख्या आवश्यक वस्तू मुलांना दिल्या.
यावेळी उपसरपंच महेश गावडे, ग्रामपंचायत सदस्य राजेंद्र आंबेकर, पोलिसपाटील रमेश जाधव, शाळा व्यवस्थापन समिती अध्यक्षा श्रीमती सायली गावकर, परशुराम पाटकर, पुंडलिक देऊलकर, सत्यवान गावडे, शेखर खाबल, भरत जाधव, उत्तम गावडे आणि तन्मय पाटकर हे उपस्थित होते. सरपंच गावडे यांनी, हे काम शाळा आणि मुलांच्या विकासासाठी आपली एक सेवा असल्याचे सांगितले आणि भविष्यातही असेच सहकार्य सुरू ठेवण्याचे आश्वासन दिले. मुख्याध्यापिका श्रीमती शीतल गावीत यांनी, सरपंच गावडे हे दरवर्षी अशाप्रकारे शाळेला वस्तूंचे वाटप करत असतात आणि त्यांचे शाळेसाठी अविस्मरणीय सहकार्य लाभते, असे सांगत त्यांचे आभार मानले. उपसरपंच गावडे, सदस्य आंबेकर, श्री. देऊलकर आणि शाळा व्यवस्थापन समिती अध्यक्षा श्रीमती सायली गावकर यांनीही सरपंचांच्या उत्कृष्ट कामगिरीबद्दल आपले मनोगत व्यक्त केले.