rat५p६.jpg -
२५N७५४१४
संगमेश्वर - डोंगर फोडताना दगड लागून जखमी झालेला दुचाकीस्वार.
---
दगड लागून दुचाकीस्वार जखमी
कुरधंडात डोंगर फोडतानाची घटना ; पोलिसात तक्रार
सकाळ वृत्तसेवा
संगमेश्वर, ता. ५ ः कुरधुंडा येथे काळा दगड असलेला डोंगर मोठ्या यंत्राच्या सहाय्याने फोडण्याचे काम सुरू आहे. बऱ्याचदा यातील काही दगड अस्ताव्यस्त आजूबाजूला उडत असतात. आज रमजान गोलंदाज यांना दुचाकीवरून जाताना वेगात आलेले दगड बसून ते जखमी झाले. त्यांच्यावर संगमेश्वर ग्रामीण रुग्णालयात उपचार करण्यात आले. सबंधित ठेकेदार कंपनीविरोधात संगमेश्वर पोलिस ठाण्यात तक्रार दाखल केली आहे.
रमजान गोलंदाज हे मुंबई-गोवा राष्ट्रीय महामार्गावरून जात असताना कुरधुंडा येथे आले असता काळ्या दगडाचे डोंगर पोकलेनच्या सहाय्याने फोडण्याचे काम सुरू असताना काही दगड वेगाने आजूबाजूला उडाले. याच वेळी यातील अतिवेगात येणारा एक दगड रमजान यांच्या पायाला लागला तर दुसरा दगड हाताला. त्यांनी दुचाकी तेथेच थांबवली. पायातून रक्तस्राव सुरू झाला होता. या वेळी त्यांनी सुरू असलेले काम बंद पाडण्यास भाग पाडले. आज जी घटना घडली अशी घटना पुन्हा घडू नये, महामार्गावरून येणारी-जाणारी वाहने व पादचाऱ्यांचा विचार करता दगड उडू नये याकरिता संरक्षण म्हणून पत्रे किंव्हा नेट लावण्याची विनंती कंपनीचे जी. एम. हलशेत यांना केली असता तुला कोणाला बोलायचे आहे त्याला बोल. माझे कोणीही काही करू शकणार नाही. तसेच तुला बघून घेतो, अशी धमकी त्यांनी दिल्याची तक्रार संगमेश्वर पोलिस ठाण्यात केली आहे.