75734

मडुरा नाबर शाळेत दिंडी
बांदा, ता. ६ ः आषाढी एकादशीनिमित्त मडुरा येथील व्ही. एन. नाबर मेमोरियल इंग्लिश मीडियम शाळेच्या विद्यार्थ्यांनी मडुरा तिठा ते हनुमान मंदिर अशी दिंडी काढली. कौशल मेस्त्री विठ्ठलाच्या तर आरोही मयेकर हिने रुक्मिणीचा वेष परिधान केला होता. देवस्थान समितीने दिंडीचे स्वागत केले. यावेळी नारायण कवठणकर (संत तुकाराम), चिन्मय परब (संत मुक्ताबाई), गौरवी धुरी (संत सखुबाई), अस्मी वालावलकर (संत जनाबाई) तसेच ज्ञानानंद रेडकर याने (संत सावतामाळी) यांची वेशभूषा सादर केली. मानस परब याच्या गणेश वंदनेने कार्यक्रमाची सुरुवात झाली. स्वरा गवस हिच्या अभंग गायनाने उपस्थितांनी मंत्रमुग्ध केले. पहिली, दुसरी ते चौथीच्या विद्यार्थ्यांनी टाळाच्या साथीने दिंडी फुगडी सादर केली. श्री हनुमान सेवक मित्रमंडळाचे सर्व सदस्य, शाळेचे स्थानिक समितीचे सदस्य भिकाजी धुरी, प्रकाश वालावलकर, विष्णू सावंत, सुरेश गावडे, प्रवीण परब, मुख्याध्यापिका नीती साळगावकर, स्वरा राठवड, मयुरी कासार आणि वेलांकनी रोड्रिंक्स, हर्षदा तळवणेकर आदी उपस्थित होते.