75810

तारामुंबरी विठ्ठल मंदिरात
दर्शनास भाविकांची गर्दी
देवगड, ता. ७ ः तालुक्यात ठिकठिकाणी आषाढी एकादशी निमित्ताने श्री विठ्ठल-रखुमाई मंदिरात दर्शनासाठी गर्दी झाली होती. सकाळपासून मंदिरात विविध कार्यक्रम सुरू होते. पाऊस नसल्याने दर्शन सुलभ झाले.
येथील खालच्या बाजारपेठेतील श्री विठ्ठल-रखुमाई मंदिरात दर्शनासाठी भाविकांच्या रांगा लागल्या होत्या. तारामुंबरीमधील श्री विठ्ठल-रखुमाई मंदिरातही आषाढी एकादशी निमित्ताने विविध कार्यक्रमांचे आयोजन करण्यात आले होते. मंदिरात हरिनामाचा गजर व स्थानिक भजने सुरू होती. काही ठिकाणच्या मंदिरात महिलांचेही भजन झाले. तालुक्याच्या विविध भागांत दर्शनासाठी भाविकांची वर्दळ सुरू होती. ठिकठिकाणी उत्साहाचे वातावरण होते.