76286

गड-किल्ल्यांचे जतन आवश्यक

राजन गवस; वेंगुर्लेत स्वच्छता मोहीम, वृक्षारोपण

सकाळ वृत्तसेवा
वेंगुर्ले, ता. ९ ः ऐतिहासिक व पुरातन वास्तू इतिहासाच्या ठेवा आहेत. या वास्तूंचे जतन करण्यासाठी दुर्गमहर्षी गो. नि. दांडेकर यांच्यासारख्या व्यक्ती झटत आहेत. मात्र, त्यांचे प्रयत्न आज एकाकी पडताना दिसतात. किल्ले संवर्धनाला पुरेसे महत्त्व दिले पाहिजे. याबाबत प्रबोधन गरजेचे आहे, असे प्रतिपादन वेंगुर्ले नायब तहसीलदार राजन गवस यांनी येथे केले.
कोट उर्फ डच वखार या भुईकोट किल्ल्यावर दुर्ग महर्षी गो. नी. दांडेकर यांच्या जन्म दिनानिमित्त अखिल महाराष्ट्र गिर्यारोहण संघटना संचलित सिंधुदुर्ग जिल्हा गिर्यारोहण संघटना व जनसेवा प्रतिष्ठान यांच्या संयुक्त विद्यमाने गड स्वच्छता मोहीम व वृक्षारोपण कार्यक्रम झाला. यावेळी श्री. गवस बोलत होते. यावेळी सिंधुदुर्ग जिल्हा गिर्यारोहण समितीचे उपाध्यक्ष व जनसेवा प्रतिष्ठानचे अध्यक्ष डॉ. संजीव लिंगवत, गडप्रेमी डॉ. प्रल्हाद मणचेकर, सामाजिक कार्यकर्ते नंदन वेंगुर्लेकर, ग्राहक पंचायत महाराष्ट्र, वेंगुर्लेच्या सदस्या सिमंतीनी मयेकर, वेंगुर्ले कोट पहारेकरी आनंद मिंडे, कार्तिक दरेकर, मानसी देसाई, सोनिया चव्हाण व जनसेवा प्रतिष्ठानचे सदस्य उपस्थित होते.
गो. नि. दांडेकर यांचा जन्मदिवस अखिल महाराष्ट्र गिर्यारोहण महासंघातर्फे ‘गो. नि. दां. दुर्गवारी दिन’ म्हणून साजरा केला जातो. यावर्षी गडकोटांच्या स्वच्छता व वृक्षारोपण करून हा दिवस साजरा करण्यात आला.