स्वामी समर्थ मंदिरात
आज गुरुपौर्णिमा
रत्नागिरी : शहरातील श्री विठ्ठल मंदिर संस्थेच्या श्री स्वामी समर्थ मंदिरात गुरुवारी (ता. १०) गुरुपौर्णिमा उत्सवाचे आयोजन करण्यात आले आहे. सकाळी ६.३० वा. समृद्ध पूजा, अभिषेक, श्री स्वामी समर्थ यांचे पूजेचे यजमान सौ. व श्री. गणेश धुरी (उद्योजक) वैयक्तिक अभिषेक, आरती, दुपारी १२.३० वा. महाआरती, १ वा. महाप्रसाद, ४.३० वा. भजन, ७ वा. नित्य सायंआरती, ७.३० वा. भजन अशा कार्यक्रमांचे आयोजन केले आहे.

संकल्प कलामंचतर्फे
आज सत्कार
रत्नागिरी ः येथील संकल्प कलामंच या संस्थेतर्फे गुरुपौर्णिमेनिमित्त समाजातील विविध क्षेत्रांत कार्यरत गुणवंतांना गुरू मानून सन्मानित करण्यात येणार आहे. हा कार्यक्रम गुरुवारी (ता. १०) सायं. ४ वा. मारुती मंदिर येथील महिला मंडळ सभागृहात होणार आहे. नवलाई ग्रुपचे संस्थापक व उद्योजक धर्मेंद्र सावंत यांच्या अध्यक्षतेखाली आणि सुप्रसिद्ध डॉ. कल्पना मेहता आणि डॉ. शाश्वत शेरे प्रमुख उपस्थित राहणार आहेत. जास्तीत जास्त रसिकांनी कार्यक्रमाला उपस्थित राहून गुणवंतांच्या गुणगौरव प्रेरणेत सहभागी व्हावे, असे आवाहन संकल्प कलामंचचे अध्यक्ष विनयराज उपरकर आणि सचिव ज्ञानेश्वर पाटील यांनी केले आहे.

76385
डॉ. तेंडुलकर यांच्या
क्लिनिकचे उद्‍घाटन
रत्नागिरी ः लांजा येथील डॉ. प्रमोद तेंडुलकर यांचे सुपुत्र डॉ. सुश्रुत तेंडुलकर यांनी रत्नागिरीत नव्याने सुरू केलेल्या रुग्णालयाचे उद्‌घाटन रत्नागिरीतील सुप्रसिद्ध सर्जन डॉ. रवींद्र गोंधळेकर यांच्या हस्ते झाले. या प्रसंगी डॉ. सुश्रुत यांचे कुटुंबीय, डॉ. श्री. व सौ. गोंधळेकर, रत्नागिरीमधील अनेक डॉक्टर्स आणि हितचिंतक उपस्थित होते. डॉ. गोंधळेकर हॉस्पिटल, पॉवरहाऊस, नाचणे रोड येथे हे रुग्णालय आहे. डॉ. सुश्रुत हे जनरल सर्जन असून, त्यांचे शिक्षण मुंबई येथे झाले आहे. त्यांनी मुंबई येथील कुपर वैद्यकीय महाविद्यालय सर्जन म्हणून आणि कळवा, ठाणे येथे राजीव गांधी शासकीय महाविद्यालयात असिस्टंट प्रोफेसर आणि सर्जन म्हणून काम पाहिले आहे. याशिवाय रत्नागिरी शासकीय महाविद्यालयातदेखील सर्जन म्हणून काम पाहिले.