- ratchl९१.jpg-
२५N७६४७१
चिपळूण ः पालक सभेत मार्गदर्शन करताना प्राचार्य संजय वरेकर.
----------

पाल्यांच्या समस्या लक्षात घ्या
प्राचार्य वरेकर : खेर्डी इंग्लिश स्कूलमध्ये पालक सभा
सकाळ वृत्तसेवा
चिपळूण, ता. ९ ः पालकांनी आपल्या पाल्याचा कल लक्षात घेऊन त्याला शिक्षण द्यावे तसेच आपल्या मुलाशी बोलून त्यांच्या समस्या लक्षात घ्याव्यात. पालकांच्या सहकार्याने शाळा नेहमीच विविध उपक्रम राबवून विद्यार्थ्यांची गुणवत्ता कशी वाढेल याकडे लक्ष देत असल्याचे प्रतिपादन प्राचार्य संजय वरेकर यांनी पालक सभेत केले.
खेर्डी-चिंचघरी येथील न्यू इंग्लिश स्कूलमध्ये पहिली पालक सभा झाली. साहाय्यक शिक्षक संतोष हातणकर यांनी अभ्यासक्रम व वार्षिक नियोजन त्याचबरोबर शालेय व बाह्यपरीक्षांचे संभाव्य नियोजन, विविध सवित्यांविषयी माहिती दिली. शिक्षक सतीश पालकर यांनी विद्यालयाचे नियम, अटी आणि शालेय शिस्त, पोषणआहार, स्पर्धा परीक्षा याबाबत सविस्तर माहिती पालकांना दिली. स्मिता चाळके व श्वेता चव्हाण यांनी मुलींबाबत पालकांनी घ्यावयाची काळजी सांगितली. मुख्याध्यापक संजय वरेकर म्हणाले, शाळेच्या प्रगतीसाठी पालकांचे सहकार्य आवश्यक आहे. स्कॉलरशिप परीक्षा, एनएमएमएस परीक्षा, दहावी, बारावी निकाल आदी परीक्षांबाबत विद्यालय अग्रेसर राहिले ते पालकांच्या सहकार्यामुळेच. या वेळी उपमुख्याध्यापिका सुलोचना जगताप, हरिश्चंद्र जाधव, संपदा वीरकर, अरविंद काजवे, सोमदे, स्वाती मोहिते, प्रवीण चाळके, विशाखा दाभोळकर, ऋतुजा हटकर, जितेंद्र सुर्वे आदी उपस्थित होते.