swt1018.jpg
76634
वारगाव ः विद्यार्थ्यांना छत्री आणि शालेय साहित्य वाटपप्रसंगी उपस्थित मान्यवर.

वारगाव येथे विद्यार्थ्यांना साहित्य वाटप
तळेरे : राजापूर विधानसभा मतदारसंघाचे आमदार किरण सामंत यांच्या वतीने वारगाव गावातील शाळा क्र. १, शाळा क्र. २ व शाळा क्रमांक ३ मधील सर्व विद्यार्थ्यांना मोफत छत्र्यांचे तर वारगाव ग्रामपंचायतीकडून वह्या वाटप करण्यात आले. छत्र्यांचे वाटप अश्पाक अज्जू यांच्या माध्यमातून करण्यात आले. या कार्यक्रमात वारगाव ग्रामपंचायतीतर्फे गावातील सर्व शाळांतील विद्यार्थ्यांना वह्या व इतर शैक्षणिक साहित्याचेही वाटप करण्यात आले. विद्यार्थ्यांच्या चेहऱ्यावर छत्री आणि वह्या मिळाल्याचा आनंद दिसत होता. याप्रसंगी वारगावचे सरपंच नाना शेट्ये, तंटामुक्ती अध्यक्ष राजेश जाधव, माजी सरपंच इरफान मुल्ला, सुभाष धावडे, मानसी प्रभू उपस्थित होते.
------------------
swt1019.jpg
76635
शिडवणे ः कृषी जागरुकता चित्रकला स्पर्धेतील विजेत्यांसोबत मान्यवर आणि कृषिदूत.

शिडवणेत चित्र रंगभरण स्पर्धा
तळेरे : कृषी महाविद्यालय, सांगुळवाडीच्या विद्यार्थ्यांनी शिडवणे क्र. १ शाळेत चित्र रंगभरण स्पर्धा आयोजित केली. यात पाचवी ते सातवीच्या ३० विद्यार्थ्यांनी सहभाग घेतला. महाविद्यालयाचे कृषिदूत निशांत माने, पृथ्वीराज नरके, तेजस येडगे, सय्यद उस्मान, राहुल पळसकर, दिग्विजय जांभळकर, वैभव संकपाळ, हृतेश यादव, अभंग सलगर, व्यंकटेश रेड्डी तसेच शाळेच्या शिक्षिका सीमा वरुणकर, उपशिक्षक दीपक काळेल आणि स्वयंपाकी समिता सुतार उपस्थित होते. या स्पर्धेत पाचवी गटातून शुभ्रा पांचाळ, धनश्री सुतार, श्रेयांश पांचाळ, सहावीमधून मंथन भोवड, सार्थ पाटणकर, आरव गुंडये तर सातवी गटातून श्रावणी भोवड, शफा शेख, अनुष्का जाधव यांनी अनुक्रमे क्रमांक पटकावले. विजेत्यांना शैक्षणिक साहित्य बक्षीस म्हणून देण्यात आले. या उपक्रमामुळे कृषी जागरुकता वाढली, असे मुख्याध्यापक प्रवीण कुबल यांनी सांगितले.