-rat१०p६.jpg-
२५N७६५८७
रत्नागिरी ः शिष्यवृत्ती परीक्षेत यशस्वी झालेल्या सौबान सय्यदचा सत्कार करताना मुख्याध्यापिका मुनव्वर तांबोळी, पर्यवेक्षक मुश्ताक आगा, संस्थेचे अध्यक्ष अब्दुल हमीद मिस्त्री आदी.
-----------
सौबान सय्यद उर्दू माध्यमात प्रथम
सकाळ वृत्तसेवा
रत्नागिरी, ता. १० ः शिष्यवृत्ती परीक्षेत पाचवीमधून मिस्त्री हायस्कूलच्या सौबान सय्यद या विद्यार्थ्याने जिल्हास्तरीय गुणवत्ता यादीत शहरी विभागात जिल्ह्यात १५वे स्थान तर उर्दू माध्यमात प्रथम क्रमांक पटकावण्याचा बहुमानही त्याने मिळवला आहे.
यावर्षी शिष्यवृत्ती परीक्षेत ८ हजार ३४५ विद्यार्थी जिल्ह्यातून सहभागी झाले होते तसेच संपूर्ण राज्यातून त्याने उर्दू माध्यमातून गुणवत्ता यादीत ३९वे स्थान पटकावून देदीप्यमान यश प्राप्त केले आहे. त्याच्या या यशाचे संपूर्ण जिल्ह्यातून कौतुक होत आहे. प्रशालेच्या मुख्याध्यापिका मुनव्वर तांबोळी, पर्यवेक्षक मुश्ताक आगा, संस्थेचे अध्यक्ष अब्दुल हमीद मिस्त्री, शाळा व्यवस्थापन समितीचे अध्यक्ष व संस्थेचे उपाध्यक्ष निसार लाला, सचिव तन्वीर मिस्त्री, सहसचिव शकील मजगांवकर, खजिनदार जाहीर मिस्त्री, सदस्य रफीक मुकादम, इक्बाल मिस्त्री, साबीर मजगांवकर आदींनी यशस्वी विद्यार्थ्यांचे व मार्गदर्शक शिक्षकांचे अभिनंदन केले आहे.