दापोलीतील २५ शाळांमधील
विद्यार्थ्यांना संगीताचे धडे
साखळोली शाळेतून प्रारंभ; महिन्यातून एक दिवस घेणार वर्ग
सकाळ वृत्तसेवा
दापोली, ता. ११ ः पुणे येथील बैठक फाउंडेशनमार्फत दापोली तालुक्यातील २५ शाळांमधून विद्यार्थ्यांना संगीताचे धडे दिले जाणार आहेत. त्याची सुरवात जिल्हा परिषद शाळा साखळोली नं. १ येथून झाली. महिन्यातून एक दिवस भारतीय विविध कलांचा अनुभव विद्यार्थ्यांना मिळणार आहे.
साखळोली शाळेत सुरू झालेल्या या वर्गामध्ये पहिल्याच दिवशी ९ शास्त्रीय नृत्यांपैकी कथ्थक प्रकार, वंदना, ताल, १४ आकड्यांचे धमार- घड्याळ, अभिनय प्रात्यक्षिक दाखवण्यात आले. या वेळी नृत्य कलाकार धनश्री जोगळेकर यांनी श्रीकृष्णाच्या विविध छटा नृत्याद्वारे सादर केल्या. गोवर्धन पर्वत तसेच ब्रह्मांड, कस्तुरीमृग, कालिया दमन आदी कहाण्या नृत्याभिनयाद्वारे सादर केल्या. यामुळे मुलांमध्ये एक तेजस्वी ऊर्जा प्राप्त झाल्याचे दिसून येत होते. एक शब्दही न उच्चारता नृत्याभिनयाद्वारे पूर्ण कहाणी सादर करण्याची कला आपल्या शास्त्रीय संगीतात आहे. याची जाणीव झाल्याचे मुख्याध्यापक संजय मेहता यांनी सांगितले. दापोली तालुक्यातील २५ शाळांत एपीटी उपक्रमातून विद्यार्थ्यांना संगीताचे धडे मिळणार आहेत. भारतीय पारंपरिक कलांचा मुलांना अनुभव देण्यासाठी दर महिन्यातून एकदा कार्यक्रमांचे आयोजन केले आहे. साखळोली शाळेत प्रथम सत्र धनश्री जोगळेकर यांनी घेतले. त्या कथ्थक नृत्यांगना असून, गेली १२ वर्षे त्याही कला शिकत आहेत. बैठक फाउंडेशनचे मुख्य कार्यवाहक दाक्षायणी आठल्ये तर विश्वस्त मंदार कारंजकर यांनीही शाळांना भेटी दिल्या. भारतीय कलाप्रकार उत्तम दर्जाच्या कलाकारांमार्फत अनुभवायला मिळणार आहेत. हा प्रकल्प महत्वाचा असून, संस्कृतीरक्षण आणि संवर्धन यासाठी बैठक फाउंडेशनचे सुरू असलेले प्रयत्न नक्कीच यशस्वी होतील, असे दापोलीचे गटशिक्षणाधिकारी रामचंद्र सांगडे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.