देवगड दैवज्ञ महिला मंडळातर्फे
उद्या विद्यार्थ्यांचा गुणगौरव

देवगड, ता. ११ : येथील तालुका दैवज्ञ हितवर्धक समाज व देवगड तालुका दैवज्ञ महिला मंडळ यांच्या संयुक्त विद्यमाने रविवारी (ता.१३) सातपायरी येथील सभागृहात तालुक्यातील सोनार समाजातील विद्यार्थ्यांचा गुणगौरव, ज्येष्ठ नागरिकांचा सत्कार, महिलांसाठी पाककला स्पर्धा व सांस्कृतिक कार्यक्रम आयोजित करण्यात आला आहे.
समाजाच्या वतीने मागील शैक्षणिक वर्षामध्ये पाचवी, सातवी शिष्यवृत्ती प्राप्त विद्यार्थी, दहावी, बारावी उत्तीर्ण, पदवी प्राप्त विद्यार्थी व विशेष प्रावीण्य मिळविलेल्या समाजातील इतर व्यक्ती व विद्यार्थ्यांनी गुणपत्रिकेच्या झेरॉक्स प्रतिसह महेश घारे किंवा संदीप तळवडेकर यांच्याशी संपर्क साधावा. ज्येष्ठ नागरिक सत्कारामध्ये ज्यांची ६५ वर्षे पूर्ण झाली असतील व या अगोदर सत्कार स्वीकारला नसलेल्या व्यक्तीच सत्कारास पात्र ठरतील. महिलांसाठी पाककला स्पर्धांमध्ये ‘मुग’ या घटकापासून गोड व तिखट पदार्थ बनवावा. यामध्ये प्रवेश मर्यादित असून प्रथम येणाऱ्या १८ स्पर्धकांना प्रवेश मिळेल. यासाठी दर्शना कुळकर्णी यांच्याशी तसेच अधिक माहितीसाठी नीलरत्न मालंडकर यांच्याशी संपर्क साधावा, असे आवाहन संस्थाध्यक्ष संदीप तळवडेकर व महिला अध्यक्षा दर्शना कुळकर्णी यांनी केले आहे.