- ratchl१११.jpg
P२५N७६८०५
राजनंदिनी सावंत व समर्थ सावंत

शिष्यवृत्तीत सावंत बहीण भावाचे यश
ज्ञानदीप विद्यामंदिर ; राजनंदिनी राष्ट्रीय गुणवत्ता यादीत
सकाळ वृत्तसेवा
खेड, ता. १२ ः पूर्व उच्च प्राथमिक शिष्यवृत्ती परीक्षा (पाचवी) आणि पूर्व माध्यमिक (आठवी) शिष्यवृत्ती परीक्षेत ज्ञानदीप विद्यामंदिरच्या विद्यार्थ्यांनी राज्य तसेच राष्ट्रीय गुणवत्ता यादीत यश मिळवले. आठवी शिष्यवृत्ती परीक्षेत राजनंदिनी सावंत हिने राज्यात सातवा तर राष्ट्रीय ग्रामीण गुणवत्ता यादीत प्रथम क्रमांक मिळवला तर तिचा लहान भाऊ समर्थ सावंत याने पाचवी परीक्षेत २८वा क्रमांक मिळवला आहे.
राजनंदिनी आणि समर्थ हे पहिलीपासूनच ज्ञानदीप विद्यामंदिर, खेड येथे शिक्षण घेत आहेत. शालेय स्तरावरील सर्व स्पर्धात्मक परीक्षेत सहभागी होत बाजी मारली आहे. स्पर्धा परीक्षांच्या अभ्यासामुळे तिने यावर्षी आठवीच्या शिष्यवृत्ती परीक्षेत राज्य गुणवत्ता यादीत सातवा आणि राष्ट्रीय ग्रामीण गुणवत्ता यादीत प्रथम क्रमाकांने यश मिळवले. समर्थनेही गुणवत्ता यादीत २८वा क्रमांक मिळवला. खेड येथील साहाय्यक कृषी अधिकारी संदीप सावंत व ग्रामपंचायत अधिकारी मीनाक्षी सावंत यांची ही दोन्ही मुले आहेत.